Намсыырдыыр суолга массыына умайда

Бэҕэһээ киэһэ, баһаарынай-быыһыыр сулууспаҕа Дьокуускай куорат Намсыырдыыр суолугар «Лексус-LX470» массыына умайан эрэрин туһунан иһитиннэрии киирбит. Бу туһунан ЫБММ пресс-сулууспата иһитиннэрэр.

Иһитиннэрии киирбитин кэннэ Дьокуускайдааҕы баһаарынай-быыһыыр этэрээт миэстэтигэр түөрт мүнүүтэнэн тиийбит. Кинилэр тиийэллэригэр массыына бүтүннүү умайа турар эбит.

Баһаар түмүгэр массыына бүтүннүү уокка былдьаммыт. Баһаар тахсыбыт төрүөтэ, буруйдаах уонна хоромньу быһаарыллар. Баһаары умуруорууга 4 киһи уонна биир тиэхиньикэ үлэлээтэ.