Наартаны ойууга күрэхтэстилэр

Бүгүн, кулун тутар 16 күнүгэр, Нерюнгригэ  “Горняк” стадиоҥҥа наартаны ойууга күрэхтэһии буолла. Бу сымса, кыахтаах буолууну эрэйэр хоту дойду многоборьетын көрүҥнэриттэн биирдэстэрэ.

Сөкүүндэҕэ 18 м. тиийэр түргэннээх тыал ыстанаары сылдьар дьону охторуох айылаах үрэрэ, олус халтарааҥ буолан эрэйдээтэ. Ол эрээри спортсменнар кыайыы иһин туруулаһан, үтүө түмүктэри көрдөрдүлэр. Кылаабынай судьуйа Андрей Сидоров кэпсээбитинэн, наартаны ойууга кыттарга 15 хамаанда сайаапка киллэрбитэ: 20 дьахтар уонна 19 эр киһи.

Дьахталларга бириистээх миэстэҕэ тигистилэр:

3 миэстэ — Санникова Антонина (Саха сирэ) – 26 наарта,

2 миэстэ – Лаптева Любовь (Саха сирэ) – 50 наарта,

1 миэстэ – Яна Сэротэтто (Ямало-Ненецкэй автономнай уокурук)– 78 наарта.

Эр дьон ортотугар бириистээх миэстэҕэ тигистилэр:

3 миэстэ —  Хозяинов Егор (Ханты-Мансийскай автономнай уокурук) – 71 наарта,

2 миэстэ — Кусамин Евгений (Красноярскай кыраай) – 74 наарта,

1 миэстэ – Аммосов Айтал (Саха сирэ) – 190 наарта.

Бүгүн күн иккис аҥаарыгар маамыктаны быраҕыыга күрэхтэһиэхтэрэ.

Нерюнгри оройуонун пресс-сулууспата