Хаартыска: Саха сирэ
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр.
Саха Өрөспүүбүлүкэтигэр Национальнай бэчээт күнүн көрсө, саха литературатын, национальнай театрын уонна национальнай бэчээтин төрүттээччилэриттэн биирдэстэрэ, учуонай, суруйааччы уонна сырдатааччы Василий Васильевич Никифоров-Күлүмнүүр пааматынньыгар сибэкки дьөрбөтүн ууруу сиэрэ-туома буолла.
Бу бэлиэ түгэнинэн СМИ бэрэстэбиитэллэрэ, Ил Түмэн норуодунай дьокутааттара уонна бырабыыталыстыба чилиэннэрэ 1907 сыллаахха биир санаалаахтарын кытта икки тылынан бастакы саха хаһыатын таһаарбыт Василий Никифоров-Күлүмнүүр пааматынньыгар сибэкки дьөрбөтүн уурдулар.
XX үйэ бастакы уон сылыгар Саха сиригэр икки тылынан, сахалыы уонна нууччалыы, бастакы хаһыаттар тахсан барбыттара. Бастакы сахалыы типографскай шрифт оҥоһуллубута, бэчээккэ наадалаах тэрил атыылаһыллыбыта. Ол кэмҥэ бастакы олохтоох таһаарыылар – «Саха олоҕо» уонна «Саха саҥата» хаһыаттар тахсар буолбуттара. Саха сирин норуоттарын төрөөбүт тылларын уонна култуураларын харыстааһын улахан суолтатын, ону тэҥэ өрөспүүбүлүкэ устуоруйатыгар бу бэлиэ түгэни үйэтитии наадатын учуоттаан, Саха сирин Ил Дархана Айсен Николаев көҕүлээһининэн 2020 сыллаахха Национальнай бэчээт күнэ олохтоммута.
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…