Хаартыска: ааптар түһэриилэрэ
Бэс ыйын 11 күнүгэр Национальнай бибилэтиэкэҕэ байыаннай дьайыыга ытык иэстэрин толоро сылдьар байыаннай миэдиктэргэ ананар «Держись, брат!» V быыстапка арылынна.
Быыстапка Арассыыйаҕа мэдиссиинэ үлэһитин күнүгэр ананан, инники кирбиигэ сылдьар байыастар олохторун быыһыыр мэдиссиинэ үлэһиттэрин хорсун быһыыларын уонна эр санааларын көрдөрөр.
Манна даҕатан эттэххэ, 2023 сылтан саҕаламмыт “Бириэмэ биһигини талбыта” бастакы экспозиция дойду тас өттүгэр сулууспалыы сылдьар Арассыыйа байыастарыгар анаммыта. Ол кэнниттэн “Живи!”, “СВОи родные”, “ОМОН. Бизон” быыстапкалар тэриллибиттэрэ.
Быыстапканы СӨ Национальнай бибилэтиэкэтэ тэрийэн ыытта. Үрүҥ халааттаах аанньал буолалларыгар Гиппократ андаҕарын биэрбит биир идэлээхтэрбит байыаннай дьайыыга тиийэн ытык иэстэрин чиэстээхтик толоро сылдьалларын туһунан СӨ доруобуйа харыстабылын миниистирэ Елена Афанасьева кэпсээтэ. Миниистир Саха сирин Ил Дарханын уонна бырабыыталыстыбатын дьаһалтатын салайааччытын секретариатын ыстаарсай референэ Светлана Диодороваҕа-Лаврентьеваҕа министиэристибэ Махтал суругун туттарда.
Быыстапкаҕа байыаннай дьайыы туһунан суруллубут араас кинигэлэри сэргэ, Светлана Диодорова-Лаврентьева төрөппүт уола, Өрөспүүбүлүкэтээҕи 2 №-дээх балыыһаҕа үлэлээбит Владимир Диодоров-Лаврентьев туһунан хаартыскалар, кини байыаннай дьайыыга илдьэ сылдьыбыт байыаннай мала-сала, наҕараадалара уо.д.а. туруоруллубуттар. 24 эрэ саастаах Владимир эдэркээн олоҕун: бааһыран да баран доҕотторун санаан байыаннай дьайыыга бара турбутун, хаартыскаҕа сөбүлээн түһэрэрин, бэйэтин Чурапчы олохтооҕунан ааҕынарын, ийэтигэр наар сибэкки дьөрбөтүн ыытарын, быыстапка тэриллэригэр ийэтигэр эрдэттэн көмөлөһө сылдьыбытын, бааһырбыт доҕотторун быыһыы сылдьан сырдык тыына быстыбытын уо.д.а. туһунан ийэтэ Светлана Диодорова-Лаврентьева кэпсээтэ. Экспозицияҕа “Ийээ, мин эйигин” таптыыбын диэн суругун уонна бүтэһигин муус устар 17 күнүгэр түспүт хаартыскатын уйадыйбакка эрэ көрбөккүн.
Байыаннай дьайыы саҕаламмытыгар биир бастакынан барбыт хирург-быраастар Назар Петров, Сергей Васильев уонна Өрөспүүбүлүкэтээҕи 2-дээх балыыһаҕа үлэлии сылдьан барбыт, байыаннай дьайыыга күн бүгүҥҥэ диэри байыастар олохторун быыһыы, араҥаччылыы сылдьар миэдиктэр тустарынан Өрөспүүбүлүкэтээҕи 2 №-дээх балыыһа кылаабынай сиэстэрэтэ Галина Софронова иһирэхтик кэпсээтэ, дьоруойдуу өлбүттэри ахтан-санаан ааста.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…