Салгыы
Национальнай бибилэтиэкэҕэ «СВОи родные» быыстапка аһыллыаҕа

Национальнай бибилэтиэкэҕэ «СВОи родные» быыстапка аһыллыаҕа

Ааптар:
28.02.2024, 08:30
Хаартыска: 103news.com
Бөлөххө киир:

Бүгүн, олунньу 28 күнүгэр, сарсыарда 11.00 чаастан СӨ Национальнай бибилэтиэкэҕэ  байыаннай дьайыы дьоруойдарыгар, сааллааттарыгар, миэдиктэригэр, волонтердарыгар анаммыт «СВОи родные» художественнай быыстапка үөрүүлээх аһыллыыта ыытыллыаҕа.

Хаартыска: СӨ Национальнай бибилэтиэкэтэ

Быыстапканы «Сердца солдатских матерей» кэммиэрчэскэйэ суох тэрилтэ, СӨ Култууратын министиэристибэтэ, СӨ Национальнай бибилэтиэкэтэ тэрийэн ыыталлар. Экспозицияҕа байыаннай дьайыы кыттыылааҕа, бэйиэт Василий Рожин туһунан биографията уонна кинигэлэрэ көрүүгэ таһаарыллыаҕа, ол иһигэр Дьокуускайдааҕы Емельян Ярославскай түмэлгэ туттарыллыбыт, Америкатааҕы HIMARS реактивнай сэбин элеменэ, 155 мм калибрдаах НАТО гильзата, биир дойдулаахтарбыт, байыаннай дьайыы хонуутуттан байыастар хаартыскалара, таҥастара, наҕараада докумуоннара, «Сунтаар» позывнойдаах байыастар туттар маллара, «Ронин» байыаннайдар трофейдара, уо.д.а. экспэнээттэр ууруллуохтара.

П.П. Романов аатынан Дьокуускайдааҕы художественнай училище (кэллиэс) устудьуоннара суруйбут биэс Дьоруойдарын – байыаннай дьайыы хонуутугар олохторун олук уурбут саха байыастарын мэтириэттэрин аан бастакытын көрүөххүт диэн СӨ Национальнай бибилэтиэкэтэ иһитиннэрэр.

Санатан эттэххэ, РФ Бэрэсидьиэнэ Владимир Путин бэлиэтээбитинэн, байыаннай дьайыы кыттыылаахтарыгар судаарыстыба уонна чугас дьонун өттүттэн өйөбүлү оҥоруу сүрүн көҕүлээһининэн буолар. Дойдубут бу сыалга чахчы өйүүрүн уонна өйдүүрүн биһиги сулууспалааччыларбыт билиэх тустаахтар.

Быыстапка буойуттар кэриэстэрин ытыктыырга уонна билигин кытта сылдьар байыастарга дириҥ ытыктабылы биллэрэр сыаллаах.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
16 июля
  • 22°C
  • Ощущается: 22°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: