Хаартыска: Ил Дархан пресс-сулууспата
Сэтинньи 7 күнүгэр СӨ Ил Дарханын дьаһалтатын уонна бырабыыталыстыбатын салалтатын кытары мунньахха Арассыыйа бэрэсидьиэнэ Владимир Путин көҕүлээбит национальнай бырайыактарын олоххо киллэрии боппуруостарын дьүүллэстилэр. Айсен Николаев салайан ыыппыт мунньаҕар ураты болҕомтону социальнай эбийиэктэри тутуу хаамыытыгар уурдулар.
Ил Дархан санаппытынан, 2024 сылга национальнай бырайыактары олоххо киллэрии түмүктэнэр. Онон сибээстээн, судаарыстыбаннай бырагыраамалар көрдөрүүлэрин толорууга, бастатан туран, социальнай эбийиэктэри тутуу түмүктэригэр, улахан болҕомто ирдэниллэр.
Айсен Николаев ону таһынан 2024 сылга Саха сирин судаарыстыбаннай бүддьүөтүн бырайыагын бэлэмнээһин уонна бигэргэтии боппуруостарын сытыытык туруорда.
Өрөспүүбүлүкэҕэ үөрэх тэрилтэлэрин уонна да атын социальнай эбийиэктэри олохтоохтук өрөмүөннээһин федеральнай бырагыраамаларын олоххо киллэрэргэ бэлэмнэнии үлэтин ыытарга сорудахтанна.
Саха сирин баһылыга Арассыыйа бөдөҥ бааннарын чэпчэтиилээх кирэдьииккэ бырагыраамалара биисинэс эйгэтигэр саҥа бырайыактары олоххо киллэрэргэ биллэр көмөнү оҥоруохтарын сөбүн бэлиэтээтэ.
Үгүс улахан хампаанньалар 2024 сылга Дьокуускайга “Азия оҕолоро” VIII оонньууларын ыытарга үбүнэн көмөлөһөргө бэлэмнэрин биллэрдилэр. Ил Дархан бүддьүөтү таһынан киирэр үп уопсай кээмэйин чопчулуурга эбии үбүлээһин ирдэниллэр сүрүн хайысхаларын быһаарарга сорудахтаата.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…