Хаартыска: Ил Дархан, бырабыыталыстыба дьаһалтатын пресс-сулууспата.
Муус устар 21 күнүгэр Айсен Николаев «Комплексное развитие сельских территорий на 2020-2025 годы» бырагыраама уонна национальнай бырайыактары олоххо киллэрии туһунан мунньаҕы ыытта.
Ил Дархан эппитинэн, бэрэсидьиэн быһаарыытынан, быйыл Саха сиргэр национальнай бырайыактары үбүлээһин суумата биллэ улааппыт.
— Бу сылга национальнай бырайыактары олоххо киллэриигэ 58 миллиартан тахса солкуобай көрүлүннэ. Ол иһигэр: федеральнай бүддьүөттэн — 18 миллиард солкуобай, территорияны сайыннарыы пуондатыттан – 29 миллиард солкуобай, өрөспүүбүлүкэ бүддьүөтүттэн 10 миллиард солкуобай, муниципальнай бүддьүөттэн — миллиард аҥаарыттан тахса. Былырыыҥҥыны кытта тэҥнээтэххэ, ити 37%-нан элбэх. Онон тутуллуохтаах эбийиэк ахсаана эмиэ эбилиннэ, — диэн кини эттэ.
2022 сылга национальнай бырайыагынан 22 эбийиэк тутуллубут эбит буоллаҕына, 2023 сылга 65 эбийиэк тутуллара бырайыактанна, итинтэн 33 эбийиэк быйыл тутуллан киириэҕэ.
Ил Дархан үбү туһаныыны күүһүрдэргэ соруйда. Сүрүн болҕомтону үөрэх эбийиэктэрин тутарга, оскуолалары анал тэрилинэн хааччыйыыга болҕомтону уурарга, суолу тутууну, “Ыраас уу” бырагырааманы үлэлэтэри хонтуруолга тутарга сорудахтаата.
«Комплексное развитие сельских территорий» бырагырааманы үлэлэтэргэ 2023 сылга 1 миллиард солкуобай көрүллүбүт, ол иһигэр: федеральнай бүддьүөттэн – 578 мөлүйүөн солкуобай, эрэгийиэннээҕи бүддьүөттэн – 420 мөлүйүөн солкуобай, муниципальнай бүддьүөттэн – 112 мөлүйүөн солкуобай.
Быйыл бу бырагырааманан тутууга 13 эбийиэк былааннаммыт, сыл бүтүөр диэри 6 эбийиэк тутуллан киириэхтээх.
Ил Дархан, бырабыыталыстыба дьаһалтатын пресс-сулууспата.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…