Хаартыска: Н.Дьяконова ыытта.
Бэҕэһээ, муус устар 27 күнүгэр, СӨ Ил Дархана Айсен Николаев “Быһа лииньийэтэ” буолан ааста. Саха сирин олохтоохторо үгүс ыйытыыларыгар хоруйдары ылан астыннылар.
Аллайыаха улууһун Бөрөлөөх нэһилиэгин 9 кылаастаах оскуолатын дириэктэрин быстах кэмҥэ толорооччу Надежда Дьяконова санаатын маннык үллэһиннэ:
— Биһиги Ил Дархан Айсен Николаев быһа эпииргэ этиитин сиһилии иһиттибит. Мин тус бэйэм куйаар ситиминэн тэйиччиттэн үөрэниини күүһүрдэр туһунан санаатын сэргээтим. Тоҕо диэтэххэ, Бөрөлөөх курдук ыраах, уустук суоллаах-иистээх Арктика нэһилиэктэригэр бу олус наадалаах, тыын боппуруоспут буолар. Кыра оскуолаларга, тэйиччи сирдэргэ английскай тылын, химия курдук биридимиэттэргэ аҕыйах чааска, бачча ыраахха учуутал кэлэрэ уустук. Онон каадыр боппуруоһун быһаарыыга бу этиитэ да көмөлөһүө дии саныыбын. Ону тэҥэ Айсен Сергеевич бэйэтэ этэрин курдук, оҕолор дьиҥнээх исписэлиискэ үөрэнэллэрэ инники олохторугар, идэни баһылыылларыгар олус туһалааҕа чахчы. Ону тэҥэ тэйиччиттэн үөрэтии күүһүрээри турарынан интэриниэппит да тупсуоҕа. Уопсайынан, интэриниэт да сайдыа этэ.
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…
Саха сиригэр устудьуоннар оҥорбут спутниктара -- "Чолбон" аппараат космоска тахсан, бастакы сигналын биэрдэ, баарын биллэрдэ.…
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…