Надежда Федорова: «Ыччаттарбыт төрөөбүт дойдуларыгар олохсуйалларын туһугар»

Пресс-кэмпириэнсийэтигэр РФ Бэрэсидьиэнэ Владимир Путин дьон ыйытыыларыгар хоруйдууругар судаарыстыба олоҕор сүппэт суолу-ииһи хаалларбыт историческай чахчылары үгүстүк холобурдаата.

Бу туһунан бэйэтин санаатын “Горнай улууһа» биир дойдулаахтар түмсүүлэрин салайааччыта, СӨ Уопсастыбаннай балаататын чилиэнэ Надежда Федорова санаатын үллэһиннэ:

— Аҕа баһылык дойду инникитин туһугар ылыллыбыт быһаарыылар суолталарын тоһоҕолоон бэлиэтээтэ. Уруккуну билбэккэ, билиҥҥигэ тирэҕирбэккин. Судаарыстыба бэлиитикэтэ саамай суолталаах уопсастыба духуобунай уонна сиэрдээх сыаннастарын тарҕатыыга туһуланар. Бэрэсидьиэн өрүү дьиэ кэргэммит, Ийэ дойдубут туһунан толкуйдуохтаахпыт диэн этэрин, нэһилиэнньэ араас араҥатын өйүүргэ ыытыллар бары тэрээһиннэр уонна дьаһаллар ону дакаастыыллар. Маны таһынан, мин каадыры иитии тиэмэтэ таарыллыбытын сэргии иһиттим. Кэрэхсэбиллээҕэ баар, РФ Бэрэсидьиэнэ эрэгийиэннэргэ эдэр исписэлиистэри тардыыга эбии миэрэлэр ылыллыахтара (ол иһигэр материальнай өйөбүл эмиэ) диэн эрэннэрдэ. Биһиги улууспут түмсүүтэ бэйэбит ыччаттарбыт төрөөбүт дойдуларыгар олохсуйалларын туһугар өрүү үлэлэһэбит. Эдэр исписэлиистэргэ болҕомтобутун туһаайабыт.