Хаартыска: наркология диспансерын пресс-сулууспатыттан
Кальяны тардан сэллик ыарыыга сыстыахха сөбүн билэр киһи аҕыйах буолуохтаах.
Ол туһунан Наркология өрөспүүбүлүкэтээҕи диспансерын нарколог-бырааһа Надежда Хоютанова кэпсээтэ.
— Кальян, суруйалларын курдук, оннук буортута суох буолбатах. Сорохтор саныылларынан, кальян сигаретаны солбуйарынан куттала суох, киһи нус-хас буоларыгар көмөлөһөр уонна истириэһи устар. Ол иһин, табаах тардыбат да дьон кальяннаах олорон сынньаналларын сөбүлүүллэр. Ол гынан баран, ити барыта сымыйа дойҕох – кальяҥҥа, никотин курдук, киһи үөрэнэн хаалар.
Иккиһинэн, кальяҥҥа баар табаах булкаастара хонтуруолламматтар уонна сертификацияны ааспаттар. Онон кальян тугунан толоруллан сылдьарын билэр кыах суох.
Үсүһүнэн, наука бигэргэппитинэн, араас сыттаах табаах буруотугар араагы көбүтэр холбоһуктар бааллар. Ону таһынан кальяны тардыы сэллигинэн уонна А гепатитынан ыалдьыы кутталын улаатыннарар. Кальяны сөбүлээн туһанааччылар ортолоругар герпес курдук араас вирустаах ыарыы элбэх.
Уопсай куолба -– бактыарыйалар тарҕаналларыгар уонна ол киһиттэн киһиэхэ бэриллэригэр табыгастаах. Хлорунан эбэтэр испиирдээх убаҕаһынан дезинфекциялааһын эрэ ити бактыарыйалары өлөрүөн сөп.
Кальяны тардар уонна онон «мэниктиир» дьоҥҥо этиэм этэ — бэйэҕит организмҥытыгар биллибэт химия биэссэстибэлэрин киллэриэххит иннинэ үчүгэйдик толкуйдааҥ. Эһиэхэ тугу эмэ туһалыа дуо?!
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…