Хаартыска Ыччат министиэристибэтиттэн
Кэлэр ый саҥатыгар Норуот сомоҕолоһуутун бырааһынньыгын чэрчитинэн Фашизмы утары II пуорум буолаары турар. Пуорум фашизмы утары охсуһууга олугунан буолуохтаах. Тэрээһин туһунан Ыччат дьыалатыгар уонна социальнай коммуникацияҕа миниистири бастакы солбуйааччы Надежда Мохначевская санаатын үллэстэр:
— Сэтинньи ыйга биһиги өрөспүүбүлүкэбитигэр иккис фашизмы утары пуоруму ыытаары бэлэмнэнэ сылдьабыт. Былырыын бастакы пуорум Дойду дьоруойдарын күнүгэр ананан ыытыллыбыт буоллаҕына, быйылгы иккис пуорум сэтинньи 6 күнүгэр, Норуоттар сомоҕолоһууларын күнүгэр ананар. Пуорум олус улахан бырагыраамалаах. Бу бырагыраама чэрчитинэн федеральнай киинтэн эспиэрдэр, Оборуона министиэристибэтин иһинэн баар «Мы есть мы» вокальнай-инструментальнай ансаамбыл уонна дойду саҥа эрэгийиэннэриттэн кэлбит ыалдьыттарбыт кыттыахтара. «Мы есть мы» вокальнай-инструментальнай ансаамбыл сэтинньи 4 күнүгэр Саха тыйаатырыгар кэнсиэрин бэлэхтиэҕэ. Ону таһынан Нам улууһун олохтоохторугар сэтинньи 5 күнүгэр кэнсиэртиэҕэ. Сэтинньи 5 күнүгэр Бырабыыталыстыба дьиэтигэр «төгүрүк остуол» ыытыллыа. Манна федеральнай эспиэрдэр, бэтэрээннэр уонна ыччат хамсааһыннарын, уопсастыбаннай тэрилтэлэрэ, Уопсастыбаннай балаата бэрэстэбиитэллэрэ, анал байыаннай дьайыы байыастара кыттыахтара. Оттон сүрүн тэрээһиммит, пуоруммут, сэтинньи 6 күнүгэр А.Е. Кулаковскай аатынан Доҕордоһуу киинигэр буолуоҕа. Манна байыаннай тиэхиньикэ быыстапката туруоҕа, онон Дьокуускай куорат олохтоохторун уонна ыалдьыттарын быыстапканы көрөргүтүгэр ыҥырабыт.
Пуорум сыала-соруга – устуоруйаны уларыппакка-токуруппакка, дьиҥ баарынан хаалларыы, ону ыччакка уонна өрөспүүбүлүкэ олохтоохторугар тиэрдии буолар. Итини сэргэ Сомоҕолоһуу күнүгэр Арассыыйабыт тула бары түмсүөхтээхпит диэн бу тэрээһини ыытабыт. Бу фашизмы утарар пуорум түмүгүнэн резолюция ылыллыахтаах, онно киирбит сыаллар-соруктар, этиилэр олоххо киириэхтээхтэр. Бырабыыталыстыба, дьокутааттар куорпустара, министиэристибэлэр, биэдэмэстибэлэр, олохтоох бэйэни салайыныы уорганнара, уопсастыбаннас, өрөспүүбүлүкэ олохтоохторо эмиэ, туох кыалларынан бу резолюцияны толороллоругар биһиги дьулуһуохтаахпыт.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…