Алдаҥҥа куорат Сэбиэтин дьокутаата, “Биир ньыгыл Арассыыйа” баартыйа олохтоох уопсастыбаннай приемнайын салайааччыта, «Бары бииргэ!» уопсастыбаннай хамсааһын сүрүннүүр Киинин салайааччыта Надежда Селютина анал байыаннай эпэрээссийэҕэ сылдьар саллааттарга уонна кинилэр дьиэ кэргэннэригэр көмөнү оҥоруу, өйөөһүн боппуруостарынан балаҕан ыйыттан ыла күннэтэ дьарыктанар. Кини ааҕааччыларга ол туһунан маннык кэпсиир:
— Алдан оройуонугар волонтердары кытта күн бүгүн биһиги хас да хайысхалаах үлэни ыытабыт. Ол курдук, олох-дьаһах үгүс боппуруостарыттан саҕалаан маһы, мууһу, ууну бэлэмнээһиҥҥэ, бородууктанан хааччыллыыга тиийэ. Ону сэргэ олоххо баар атын да суолталаах боппуруостарын эмиэ быһаарсан көмөлөһөбүт: холобура, ОДьКХ өҥөлөрүгэр чэпчэтиилэри ылыыга наадалаах докумуоннары оҥорууга, кирэдьииккэ каникулу, эр-ойох буолуу докумуонун ылыыга, бааннарга дэбиэринэһи оҥорууга уо.д.а. Онон хас биирдии сайаапканан тус аадырыстаах үлэлэр толоруллаллар. Баҕа өттүнэн үтүө санаанан көмөлөһө сылдьар дьоммут этии киллэриилэринэн, мобилизацияламмыт дьоммут хаалларбыт дьиэтээҕи кыылларын көрөбүт-харайабыт.
Ити үлэ барыта “Биир ньыгыл Арассыыйа“ баартыйа олохтоох уопсастыбаннай приемнайыгар баар Сүрүннүүр киин иһинэн сүрүннэнэр. Быстах ыҥырыынан инники кирбиигэ сылдьар буойун чугас дьонун кытта көрсүһүү, кэпсэтии ыытыллар, барыларын кытта сибээстэһэ олоробут. Онон көмөнү оҥоруу уталытыллыбат. Волонтердар дьуһуурустуба олохтоон тохтоло суох үлэлииллэр. Буойуттартан харчынан өйөбүлү ылыыга, алимены төлөөһүҥҥэ, ОДьКХ өҥөлөрүгэр чэпчэтиилэри ылыыга наадалаах докумуоннары оҥорууга, кирэдьииккэ каникулу ылыыга уо.д.а. кэнники кэмҥэ ыйытыылар киирэр буоллулар. Хас биирдии түгэҥҥэ чопчу быһаарыылар ылыллан иһэллэрин ситиһэбит.
Бааһырбыт байыаннай сулууспалаахтарбытын кытта сибээһи тутан олоробут. Ким ханнык госпиталга баарын, туох киниэхэ наадатын билсэ турабыт. Буойуннарбыт биһиги өйөбүлбүт, көмөбүт баарын, дьиэ кэргэннэригэр, чугас дьонноругар кыһамньы баарын билэллэр. Онон алданнар анал байыаннай эпэрээссийэни күннэтэ дьыаланан өйүү олороллор. Хас биирдии буойуммут манна хаалларбыт дьоннорун туһугар аймаммакка, этэҥҥэ кыайыы аргыстаах кэлиитэ – бу буолар биһиги саамай сүрүн сорукпут.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…