Надежда Зайкова: «Эдэр мусукааннар Владимир Путины кытта көрсөн астыннылар»

Муусука Үрдүкү оскуолатын ректора Надежда Зайкова РФ Бэрэсидьиэнэ Владимир Путин сырыытын туһунан санаатын үллэстэр. Кини этэринэн, үөрэнээччлэр судаарыстыба баһылыга муусукаҕа быһаарсарын сөхпүттэр.

«Саамай сүрүнэ — оҕолор астыннылар. Кинилэр РФ Бэрэсидьиэнин көрүөхтэрин баҕарбыттара, күүппүттэрэ, онно эбии муусукаҕа быһаарсарын билэннэр олус сөхтүлэр, ол тиэмэҕэ кэпсэттилэр. Пианино муусукатын истэрин билэннэр, пианистарбыт олус үөрдүлэр. «Эһиги таһымҥытын көрдүм, оскуола сайдарын туһугар бары күүспүн ууруом» диэн эрэннэрдэ. Кэнсиэрдииргэ анаммыт улахан рояль туһунан ыйыппыттарыгар, баар буолуоҕа диэтэ. Бу барыта биһигини олус үөрдэр», — диэн Надежда Зайкова этэр.