Арассыыйа-Украина сыһыаннаһыыларыгар биир дойдулаахтарбыт санааларын үллэстэллэр, биир санаанан салайтаран түмсүөҕүҥ дииллэр.
Надежда Зайкова, В.А.Босиков аатынан Муусука Үрдүкү оскуолатын ректора:
— Бу саас муус устарга СӨ В.А.Босиков аатынан Муусука Үрдүкү оскуолата волонтердар “Бары бииргэ!” суһал ыстааптарын Бүтүн Арассыыйатааҕы аахсыйатын өйөөн, Донецкай уонна Луганскай Норуодунай Өрөспүүбүлүкэлэртэн куттала суох сирдэргэ көспүт олохтоохторугар анаан, 125,5 киилэ ыйааһыннаах гуманитарнай көмөнү баҕа өттүнэн хомуйан кыттыбыта.
2022 с. балаҕан ыйыгар Арассыыйа үрдүк үөрэҕин бары тэрилтэлэригэр Бүтүн Арассыыйатааҕы Волонтердар “Бары бииргэ!” суһал ыстааптарын эрэгийиэннээҕи салааларын тэрийэр туһунан этии көтөҕүллүбүтүн, биһиги тута өйөөбүппүт. Онон алтынньы 7 күнүттэн ыла Муусука Үрдүкү оскуолатыгар мобилизацияламмыт биир дойдулаахтарбытыгар баһыылкалары тутар пууну арыйан үлэлэтэбит. Күн бүгүн волонтердар “Бары бииргэ!” суһал ыстаабын эрэгийиэннээҕи ыстаабыгар икки баартыйа гуманитарнай көмөбүтүн туттардыбыт. Бу көмө уопсай суумата 161 001 солкуобайга тэҥнэһэр, ыйааһына — 350 киилэкэриҥэ.
«Байыаннай сулууспалаахтар дьиэ кэргэннэрин өйүүр дьаһаллар тустарынан » 25.09.2022 с. N2603-дээх Ил Дархан Айсен Николаев Ыйааҕын толоруу чэрчитинэн, мобилизацияламмыт аҕалаах үөрэнээччилэрбитигэр киин куорат уопсастыбаннай тырааныспарынан босхо каарталарынан айаннааһыны уонна күҥҥэ биэстэ босхо аһыыры олохтоотубут. Маны сэргэ эбии көмө быһыытынан биһиги 2022-2023 с.с. үөрэх сылын иккис аҥаарыгар оҕолору оскуола иһигэр көрүү-истии иһин төлөбүртэн төрөппүттэри босхолоотубут.
Быстах ыҥырыыга барбыт аҕалаах дьиэ кэргэҥҥэ эбии көмөнү оҥоруу – Муусука Үрдүкү оскуолатын тус көҕүлээһинэ. Биһиги этиибитин өйөөбүтүгэр тустаах министиэристибэбитигэр махталбыт улахан. Бу уустук кэмҥэ бэйэ-бэйэни өйөһүөх тустаахпыт.
Бу аахсыйаларга кыттыбыт уонна кыттар бары дьоҥҥо махтанабын. Бары бииргэ түмсүүбүт – улахан көдьүүстээх күүс, маны тугунан да тоһуппаккын, кыайбаккын. Сомоҕолоһуунан – күүстээхпит! Норуот уонна дойду биир ньыгыл сомоҕолоһуутунан.
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…
Бүгүн, ахсынньы 16 күнүгэр Дьокуускай куорат национальнай гимназиятыгар оттук систиэмэтин турбата тоҕо баран, уол оҕо…
Сотору-сотору араас саайтарга “биэнсийэҕэ тахсар саас 5 сылынан эбиллиэ” диэн суруйуулар тахсан социальнай ситиминэн тарҕанан,…
Суһал-сэрэтэр тэрээһиннэр саҕаланыахтарыттан полиция үлэһиттэрэ омук дьоно олорор, үлэлиир 3,2 тыһыынчаттан тахса эбийиэктэрин бэрэбиэркэлээбиттэр. Бу…
Быйылгы тэрээһиҥҥэ физкултуура уонна успуорт эйгэтигэр хас да саҥа анал аат туттарыллыаҕа. Сыл бастыҥ күрэсчиттэрин,…