Надежда Зайкова: «Владимир Владимирович Путины ыалдьыт быһыытынан күүтэбит!»

Бэҕэһээ СӨ Ил Дархана Айсен Николаев Владимир Путины кытта видео-сибээс нөҥүө кэпсэппитэ. Бу туһунан Муусука үрдүкү оскуолатын дириэктэрэ Надежда Зайкова санаатын үллэстэр:

— Владимир Путин бачча сыл тухары биһиги оскуолабытын өйдүү-саныы сылдьарын астына иһиттибит. Биһиги билигин саҥа оскуолабыт тутулларын күүтэр кэммитигэр дойду үрдүкү салалтата бу тутууну тус бэйэтэ мэктиэлээбитэ олус суолталаах. Ил Дархан Айсен Николаев биһиги ыҥырыыбытын тиэрдибитин махтана иһиттибит. Владимир Владимирович Саха сиригэр кэллэҕинэ биһиэхэ ыалдьыттыа этэ диэн бары кэтэһэбит, оҕолор даҕаны, учууталлар даҕаны.