“Надеждалар” 29 кэмпилиэк «дождевигы» тигэн уолаттарга ыыттылар

Куокуйдааҕы «Надежда» иистэнэр уопсастыбаннай холбоһукка оскуолабыт кэлэктиибэ (дир. Петров И.И.)   таҥас быһар электрическай быһаҕы бэлэхтээн турар. 

Бу күннэргэ «дождевик» матырыйаала кэлбитигэр, саҥа инструмены Павлова Г.П., Гуляева В.Е. үлэлэтэн, 29 куурканы, 29 ыстааны быстылар. Салгыы иистэнньэҥнэр Еремеева Т.У., Семёнова Т.Г., Ноговицына Р.А., Павлова Г.П., Игнатьева Р.П., Илларионова М.П. тиктилэр. Эрэһииҥкэлэри угууга Павлова К.П., мөһөөччүктэри тигиигэ Яковлева А.И. көмөлөстүлэр.

Иистэнньэҥнэр бу күннэргэ 29 кэмпилиэк дождевигы (куурка, ыстаан), ол аата 58 таҥаһы тигэн, Дьокуускайга ыыттылар.

Оттон бу олус наадалаах таҥас быһар быһаҕы бэлэхтээбит оскуолабыт кэлэктиибигэр өссө төгүл махтанабыт!

Ираида Софронеева.

Куокуй, Кэбээйи улууһа.