“Надеждалар” быйыл сүүрбэччэ араас көрүҥнээх 861 таҥаһы тиктилэр

Share

“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга оҥорбут үтүө дьыалаларын Улуу Кыайыы 80 сылыгар, СӨ Дойдуну көмүскээччилэр, улуустарыгар биллэриллибит Патриотизм сылыгар анаатылар.

Ситимнэрин быспакка, сылайбыты аахсыбакка, сорох түгэҥҥэ аҕыйаатыбыт диэбэккэ, байыаннай дьайыыга сылдьар Саха сирин уолаттарыгар сылы быһа иистэннилэр. Ааспыт сылга 612 таҥаһы тикпит буоллахтарына, бу сылга сүүрбэччэ араас көрүҥнээх 861 таҥаһы тиктилэр. Онно дождевик, ис таҥас кэмпилиэктэрэ, тактическай ырбаахылар, х/б көстүүмнэр, футболкалар, ыстааннар уо.д.а. киирэллэр. Байыаннай дьайыыттан дойдуларыгар кэлбит уолаттарга туох баарынан биэрэн, салгыы Дьокуускайдааҕы иис сыаҕар салайан ыыталлар. Онно “Илии сылааһа” иистэнньэҥнэрэ “Эр хоһуун” кэмпилиэгин биэрэллэр, бааһыран кэлбит уолга инклюзивнай таҥаһы кэтэрдибиттэрэ.

Саамай саастаах иистэнньэҥ И.А. Азарова кулун тутарга “Илии сылааһа” анаабыт босхо путевкатынан Москваҕа санаторийга сынньанан кэллэ.

“Волонтеры России” (ааптар Дария Маркова) кинигэҕэ матырыйаал ыытан, холбоһук үлэтин туһунан сырдатыллыбыта.

Куокуй нэһилиэгин ийэлэрэ, эбээлэрэ үбүлүөйдээх 2025 сылы түмүктээтилэр. Күн аайы салгыбакка “сэрии бүттэр ханнык, уолаттарбыт дойдуларыгар этэҥҥэ эргиллэн кэллиннэр” диэн көрдөһөллөр. Саҥа сылга ыра санаалара туоллар ханнык диэн эрэнэбит.

Ираида Софронеева.

Recent Posts

  • Сонуннар
  • Сүрүн

2026 сылга мунньуллар биэнсийэттэн хас сууманы ылыахха сөбүн туһунан иһитиннэрдилэр

Арассыыйа олохтоохторо 2026 сылга  мунньуллар биэнсийэлэриттэн  440 тыһыынча солкуобайы биир кэмнээхтик ылыахтарын сөп диэн РИА…

36 минут ago
  • Сонуннар

Ефрем Семенов: «Каадыр бэлиитикэтигэр улахан болҕомто ууруллуоҕа»

Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…

49 минут ago
  • Сонуннар
  • Уопсастыба

Диана Соломонова: «Сийиэскэ этиилэрбин болҕомтоҕо ылбыттарыттан үөрдүм»

Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ  үгүс дьокутааты…

1 час ago
  • Сонуннар
  • Уопсастыба

Дьоҕус урбааны өйүүр  боппуруос туора туран хаалыа суохтаах

Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…

2 часа ago
  • Бэрээдэк

Аймаҕар көмөлөһөөрү кирэдьиит ылан, улахан иэскэ киирбит

Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…

2 часа ago
  • Сонуннар

Сийиэс өрөспүүбүлүкэ бары дьокутааттарын түмтэ

СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…

2 часа ago