Күннээх Кавказ сиригэр, Нальчик куоракка быйыл социальнай страхование пуондатын Саха сиринээҕи салаата доруобуйаларыгар хааччахтаах инбэлиит дьоҥҥо босхо путёвка биэрэн эмтэнэ, сынньана сылдьаллар. Онно тиийэн кинилэр тапталлаах төрөөбүт дойдуларын — Саха сирин доргуччу ааттатан, кэнсиэр көрдөрбүттэрин Арассыыйа араас муннуктарыттан кэлбит сынньанааччылар сүрдээҕин биһирээн, ытыс таһыныылаах, «браво» хаһыылаах сэргээн көрдүлэр, астыннылар.
Ол курдук ыытааччы Мария Егорова-Арылыйа кылгастык Саха сирин туһунан кэпсээтэ, билиһиннэрдэ. Үөһээ Бүлүүттэн сылдьар норуот эмчитэ Вера Местникова сахалыы алгыс, арчыланыы сиэрин-туомун ыытта. Людмила Маркова, Альбина Николаева дуэттарын, Михаил Жендринскэй, Роза Игнатьева сахалыы истиҥ ырыаларын истэн, күргүөмнээх ытыс тыаһын бэлэхтээтилэр.
Горнайтан сылдьар Владимир Васильев, Светлана Обутова «Сам сууй» диэн көрдөөх пантомималара көрөөччүлэр сүргэлэрин көтөҕөн, ис сүрэхтэн үөрдүлэр. Тамара Дмитриевна Константинова бэйэтэ суруйбут хоһооннорун доргуччу ааҕан, Дьокуускай куоратыгар анаабыт ырыатын, нуучча народнай ырыаларын толорон, көрөөччүлэр биһирэбиллэрин ылыан ылла. Оттон Михаил Жендринскэй, Катерина Дмитриева, Мария Бурцева, Владимир Васильев, Альбина Николаева буоламмыт хомус охсон дорҕоон таһаарааппытын кытта, мустубут дьон иһийэ чуумпуран, хомус алыптаах дьүрүскэнигэр куустардылар.
Ити курдук, саха талааннаах дьоно ханна да буоллаллар, дойдубут аатын өрө тутан, култуурабытын, төрүт үгэстэрбитин билиһиннэрэ, сырдата сылдьаллара кэрэхсэбиллээх.
Мария Егорова.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …