Нам амарах санаалаах олохтоохторо 3 туонна кэриҥэ эти хомуйдулар

Байыаннай дьайыыга сылдьан бааһырбыт, эчэйбит буойуттарга анаан Нам улууһун амарах санаалаах олохтоохторо 3 туонна кэриҥэ эт аҕалан туттарбыттарын туһунан Нам улууһун дьаһалтатын пресс-сулууспата иһитиннэрдэ.

— Олунньу 13 күнүгэр хомуллубут эти улуус дьаһалтатын үлэһит эр бэртэрэ Дьокуускай куоракка тиэйэн киллэрдилэр. Эти Диодоровтар волонтёр дьиэ кэргэҥҥэ туттардылар. Салгыы кинилэр астаан-таҥастаан Санкт-Петербург, Москва уонна Владивосток куораттарыгар баар госпиталларга сытар биир дойдулаахтарбытыгар тиэрдиэхтэрэ.

Үтүө санаалаах дьоммутугар-сэргэбитигэр өссө төгүл махалбытын тиэрдэбит, — диэн  «Нам улууһа» МТ пресс-сулууспата иһитиннэрдэ.