Хаартыска уонна видео - Екатерина Эверстова.
Хатырык нэһилиэгин землячествота биир дойдулаахтарыгар көмөлөһөн, АГАТУга гуманитарнай көмөнү хомуйар анал пууну тэрийбитэ.
Бу пууҥҥа айылҕа иэдээнигэр эмсэҕэлээбит Нам улууһун Хатырык, Маймаҕа, Атамай нэһилиэктэрин олохтоохторугар гуманитарнай көмөнү оҥоруу пууна аһыллыбыта.
Ас-үөл, күннэтэ туттуллар суунар-тараанар тэрил, итии суорҕан, таҥас уо.д.а. көмөнү дьон аҕала турар.
Гуманитарнай көмөнү Дьокуускай куоракка АГАТУ (Арктическай агротехнологическай университет дьиэтигэр), «ПАТРИОТ 14» 3-с кэбиниэт (киин киирэр аантан уҥа) аадырыска сарсыарда 10:00 чаастан киэһэ 21:00 чааска туталлар.
— Хатырык нэһилиэгин землячествота АГАТУ ректора, Ил Түмэн дьокутаата Валерий Федоровка истиҥ махталын тиэрдэр. Нам сириттэн төрүттээх биир дойдулаахпытыгар Валерий Иннокентьевичка маннык ыксаллаах кэмҥэ утары баран, көмөҕө илиитин ууммутугар ис сүрэхпититтэн махтанабыт. Куоракка олорор биир дойдулаахтарбыт уонна өрөспүүбүлүкэ атын да улуустарыттан дьон ас-үөл, иһэр уу, итии таҥас аҕала туралларыгар махталбыт муҥура суох.
Дьон аҕалбыт көмөтүн күн устата волонтер ыччаттарбыт — Дьокуускай куоракка олорор Хатырык нэһилиэгиттэн төрүттээх ыччат түмсүүтэ дойдубутугар тиэрдэн иһэллэр.
Бүгүн хомуллубут көмөнү барытын наардаан, суруйан, аадырыстаан Хатырыкка ыыттыбыт, — диэн иһитиннэрдэ Хатырыктан төрүттээх землячество гуманитарнай пуунун тэрийсибит «Саха» НКИХ телесуруналыыһа Екатерина Эверстова.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…