Нам Кыһыл дэриэбинэтигэр ситэриилээх былаас отчуота буола турар

Нам улууһун «Хатыҥ Арыы нэһилиэгэ» МТ састаабыгар үс сэлиэнньэ: Граф Биэрэгэ, Кыһыл дэриэбинэ, Аппааны киирэллэр.

Баһылык Иван Ноговицын иһитиннэрбитинэн, нэһилиэккэ 3 276 киһи олорор. «Биһиги Хатыҥ Арыыбыт үс чулуу Винокуровтар — бэлитиичэскэй диэйэтэл Илья Егорович, бэйиэт Илья Дорофеевич, композитор Захар Порфирьевич, историческай наука кандидата Николай Гоголев, техническай наука кандидата Мария Слепцова, график-худуоһунньук Эллэй Сивцев ийэтэ, норуот маастара Анастасия Сивцева, эмиэ график-худуоһунньук Алексей Евстафьев төрөөбүт түөлбэлэрэ», — диэн баһылык киэн тутта этэр.
Бырабыыталыстыба отчуотугар 300-чэкэ киһи олорор Кыһыл дэриэбинэ нэһилиэгэр 35 киһи кыттар.
Бу чааска манна Антонина Винокурова салайар бырабыыталыстыба иккис бөлөҕөр сылдьар тустаах министиэристибэлэр, биэдэмистибэлэр эппиэттээх үлэһиттэрэ олохтоохтор интэриэһиргиир, мунаарар боппуруостарыгар толору хоруйу биэрэллэр.
Нэһилиэк дьокутаата Дмитрий Кривошапкин тыа хаһаайыстыбатыгар сыһыаннаах боппуруоһу биэрдэ.

Кини ыйытыытыгар Тыа хаһаайыстыбатын министиэристибэтин эппиэттээх бэрэстэбиитэлэ Василий Бессонов маннык хоруйдаата.

Бырабыыталыстыба отчуота Кыһыл дэриэбинэҕэ салҕанар.