Хаартыска Нам улууһун дьаһалтатын пресс-сулууспатыттан
Быйылгы халаан уутугар эмсэҕэлээбит дьоммутугар көмө кэлэ турара киһини үөрдэр, инникигэ кынаттыыр.
Граф Биэрэгин олохтооҕо, Намнааҕы техникум үлэһитэ, доруобуйатынан хааччахтаах соҕотох ийэҕэ Мария Румянцеваҕа «СтандартЭко» ХЭТ салайааччыта Сергей Протопопов 50 тыһыынча солкуобайы биэрдэ.
«СтандартЭко» ХЭТ салайааччыта Сергей Протопопов Хамаҕаттаттан төрүттээх. Кини тэрилтэтэ 2014 сыллаахтан тэриллэн айылҕа харыстабылыгар сыһыаннаах бырайыактары, былааннары, сыанабыллары оҥорор. Сүрүннээн Саха сиригэр сир баайын хостуур тэрилтэлэргэ тулалыыр эйгэҕэ сабыдыалын, хоромньутун ааҕыынан дьарыктанар.
Сергей Николаевич бу иэдээҥҥэ түбэспит биир дойдулаахтарбар көмөлөстөххө табыллар диэн санааттан, көмөтүн өрө ууммут. Маны таһынан Бөтүҥтэн төрүттээх тэрилтэтин үлэһитин дьонугар көмөлөстүлэр.
Көмөнү туппут Граф Биэрэгин олохтооҕо Мария Михайловна олус диэн махтанар. «СтандартЭко» тэрилтэҕэ үүнүүнү-сайдыыны, үлэһиттэригэр этэҥҥэ буолууну, дьолу-соргуну баҕаран туран, дириҥ махталын тиэрдэр.
«Нам улууһа» МТ пресс-сулууспата
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…
Дьокуускайга чааһынай дьиэҕэ 17, 11 уонна 9 саастаах оҕолор ититии систиэмэтиттэн тахсар гаастан үгээрдээбиттэр. Борокуратуура…
Бу күннэргэ Өймөкөөн улууһун салалтата быйыл алдьатыылаах халаан кэнниттэн эмсэҕэлээбит нэһилиэктэринэн сылдьан, чөлүгэр түһэрии үлэтин…
Бу күннэргэ Саха сирэ аан дойду үрдүнэн саамай тымныы сиринэн буола сырытта. Бу туһунан РФ…
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…