СӨ Ил Дарханын уонна Бырабыыталыстыбатын пресс-сулууспатын хаартыската
Иккис Хомустаах нэһилиэгэ Өлүөнэ эбэ уҥа кытылыгар сытар. Сыл аайы сааскы халаан кэмигэр ууга ылларар. Дэриэбинэ намыһах өттүгэр уу кэлэр. Бүгүн дьиэлэри уонна социальнай эбийиэктэри үрдүк сиргэ көһөрүү боппуруоһа быһаарыллар.
Нам улууһугар командировкатын кэмигэр өрөспүүбүлүкэ бастакы вице-премьерэ Дмитрий Садовников халааны аһарыыга сүбэ мунньаҕы ыытта. Иккис Хомустаах нэһилиэгин боппуруоһун анаан көрдүлэр. Дэриэбинэ быйыл да ууга барар кутталлаах.
Садовников этэринэн, эргэ дэриэьинэ олохтоохторун үрдүк сиргэ көһөрөр быһаарыы 2010 с. ылыллыбыта. Ол эрээри боппуруос оннуттан хамсаабата. Бүгүн ууга барар сиргэ 50-ча олорор дьиэ уонна икки социальнай эбийиэк — интэринээт уонна быраас амбулаторията.
«Олохтоохтору көһөрөр туһунан быһаарыы Егор Борисов Ил Дархан, бырабыыталыстыбаны Галина Данчикова салайар эрдэҕинэ ылыллыбыта. Ол эрээри бу дьыала оннуттан хамсыы илик. Олохтоохтор бырабыыталыстыба отчуотугар көхтөөхтүк туруорсубуттара», — диэтэ кини.
Бырабыыталыстыба бэрэссэдээтэлин бастакы солбуйааччы көһөрүөх иннинэ сөптөөх инфраструктураны тэрийиэххэ наадатын бэлиэтээтэ. Чуолаан, саҥа квартальнай хочуолунайтан көһөрүллээччилэргэ бэриллибит учаастактарга ситими тардыахха. Былырыын сылааска холбонууга бу сэлиэнньэҕэ 40 мөл.солк. көрүллүбүтэ. Быйыл үлэ салҕаныахтаах. Социальнай эбийиэктэргэ тохтоотоххо, инвесторы кытыннарарга толкуйдууллар.
«Сөптөөх барыл — инвесторы кытыннарыы, ол быйыл сайын тутууга ылсыахтаах. Онтон киниэхэ ороскуота толуйуллуохтаах. Бу хас эмэ сыл госбырагыраамаҕа уочараты кэьэһэрдээҕэр ордук, амбулатория уонна интэринээт ууга барар кыахтаахтарын учуоттаан», — диэтэ Дмитрий Садовников.
Бүгүн оскуола интэринээтэ дьаһалта эргэ дьиэтигэр үлэлиир, ону муниципалитет былырыын биэрбитэ. Эргэ дьиэлэрэ мөлтөх туруктааҕа. Оттон быраас амбулаторията эргэ хочуолунай үлэтэ тохтоон, ититиитэ суох хаалбыта. Онон быйыл маны тутуохтаахтар.
СӨ Ил Дарханын уонна Бырабыыталыстыбатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…