Сахагов хаартыската
Нам оройуонугар сааскы халаантан сылтаан дьиэтэ суох хаалбыт 75 дьиэ кэргэн саҥа дьиэни ылыаҕа.
Бу туһунан Саха сирин премьерэ Кирилл Бычков көһө сылдьар мунньахха иһитиннэрдэ. Чуолаан, 20 ыал саҥа дьиэни туттууга, 55 – олорор дьиэни атыылаһыыга үбү.
Бүгүҥҥү туругунан, халаантан эмсэҕэлээбит нэһилиэктэргэ олорор дьиэлэри тутуу салҕанар. 4 дьиэни хайы-үйэ туттарбыттар, өссө 15 сотору кэминэн тутуута түмүктэниэҕэ. Дьиэ-уот бэдэрээтчиттэр суоттарыгар тутуллар, тутуу хампаанньаларыгар үбү толуйуохтара.
Ону тэҥэ дьиэлэргэ өрөмүөн ыытыллар. 476-тан 84 дьиэ өрөмүөнэ түмүктэннэ, 199-ка өссө да ыытылла турар. 193 ыал өрөмүөнү саҕалаары харчыларын күүтэллэр.
Кини иһитиннэрбитинэн, Саха сирин Ил Дархана Айсен Николаев саҥа дьиэлэри тутууга уонна хамсаабат баайын-дуолун олоччу сүтэрбиттэргэ олорор дьиэни атыылаһыыга, ону тэҥэ сорҕото эмсэҕэлээбит дьиэлээхтэргэ хапытаалынайдык өрөмүөннэниигэ РФ саппаас пуондатыттан үбү биэрэр туһунан дуогабардаста.
“Нам оройуонугар сааскы халаантан эмсэҕэлээбит социальнай эбийиэктэри уонна дьиэлэри чөлүгэр түһэриигэ сүҥкэн үлэ ыытылынна. Ситэ кыалла илик боппуруостары салгыы силигин ситэриэхпит. Барыта чопчу буолуохтаах. Ылыммыт эбэһээтэлистибэтин өрөспүүбүлүкэ Бырабыыталыстыбата толоруоҕа”, — диэтэ Кирилл Бычков.
Санатан эттэххэ, Нам оройуонугар халаантан 16 нэһилиэнньэлээх пуун эмсэҕэлээбитэ. Бары эмсҕэлээбиттэр эрэгийиэн таһымнаах ыксаллаах быһыы-магы эрэсииминэн төлөбүрү ылбыттара, ол кээмэйин Айсен Николаев сорудаҕынан биэс төгүл үрдэтиллибитэ. Ол курдук, биир киһиэхэ материальнай көмө кээмэйэ 5-тэн 10 тыһыынча солкуобайга диэри үрдээбитэ, баайы-дуолу олоччу сүтэрии иһин үбүнэн көмө – 20-тэн 100 тыһыынчаҕа диэри, сороҕун сүтэриигэ – 10-тан 50 тыһыынчаҕа диэри.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бүгүн, алтынньы 31 күнүгэр, 2 №-дээх РБ эрэгийиэннээҕи тымыр киинин -- суһал мэдиссиинэ көмөтүн киинин…
Арассыыйатааҕы ыччат сойууһа тэрийбит нэһилиэк креативнай эйгэлэрин икки ардыларынааҕы #АРТвСело күрэс түмүгүнэн Горнайдааҕы кииннэммит библиотечнай…
Дөлүһүөн Эмкэ күһүн тоҥоруу түһүөн иннинэ хомуллубут отону туһаныллар. Хаппыт отону мэлийэллэр. Биэс остолобуой ньуоска…
Дьокуускайга "Звезднай" түөлбэ С секторыгар 990 миэстэлээх оскуола тутулла турар. [gallery ids="164006,164007"] СӨ тутууга министиэристибэтэ…
Тускул билгэтин ааҕыҥ. Бокуруоп инниттэн тыалыран сылаас күн-дьыл турбута. Онон тымныы түһэрэ хойутуур. Сэтинньи 21…
"Аҕа дойдуну көмүскээччилэр" пуонда филиалын салайааччытын Алексей Александровы кытта көрсүһүүгэ Ил Дархан Айсен Николаев үлэни…