Нам оройуонугар киһини өлөрбүт уорбаланааччыны туттулар

Нам оройуонугар икки эр киһи ардыларыгар иирсээн тахсыбыт. Түмүгэр биир эр киһи быһаҕынан анньыллан миэстэтигэр өлбүт.  Уорбаланааччы тутуллубут, холуобунай дьыала тэрилиннэ. Бу туһунан Саха сиринээҕи Силиэстийэлиир кэмитиэтин пресс-сулууспата суруйар.

Силиэстийэ быһаарыытынан, бэс ыйын 2 күнүн түүнүгэр Нам оройуонун 2-с Хомустаах нэһилиэгин Хорон диэн сиргэ итирик туруктаах икки эр киһи ардыларыгар иирсээн тахсыбыт. Буруйданааччы эр киһини илиитигэр уонна санныгар быһаҕынан анньыбыт. Ылбыт бааһырыыларыттан эр киһи миэстиэтигэр өлбүт.

Дакаастыыр баазаны хомуйууга силиэстийэлиир үлэлэр ыытыллаллар. Суут буруйданааччыны хаайарга быһаарыы ылыммыт.