Нам оройуонугар нуорка бэргэһэни уорбут дьахтар тутулунна

ИДЬМ сулууспатын дьуһуурунай чааһыгар олохтоох дьахтар нуорка бэргэһэтин уорбуттарын туһунан тыллаабыт, диэн ИДьМ пресс-сулууспата иһитиннэрэр.

Бэрэбиэркэ кэмигэр учаастактааҕы полиция боломуочунайа уорбаланааччы лиичинэһин быһаарбыт. Уорбаланааччы 57 саастаах дьахтар буолара биллибит.

Силиэстийэ быһаарбытынан, бу иннинэ эмсэҕэлээччи дьахтар уорбаланааччыны ыалдьытыы арыгы иһэргэ ыҥырбыт. Дьахтар итирбитинэн туһанан, дьиэттэн нуорка бэргэһэни уоран тахсыбыт.

Уоруллубуту төннүннэрдилэр. Российскай Федерация Холуобунай Кодексынан холуобунай дьыала тэрилиннэ. Буруйдаах дьахтар 5 сылга диэри болдьоххо көҥүлэ быһыллыан сөп.