Хаартыскалары оскуола пресс-слууспата тиксэрдэ.
Нам 2-с №-дээх оскуолата Ржев куорат анныгар кыргыһыыларга охтубут буойуттар ааттарын үйэтитиигэ хаһыс да сылын үлэлэһэр. 2007-2018 сылларга Нам — Москва — Ржев – Нам туһаайыынан сэттэ эспэдииссийэ ыытыллыбыт. Ити сырыыларга Нам улууһуттан 50-тан тахса үөрэнээччи кыттыыны ылбыт, олортон 39 киһи Нам 2-с №-дээх оскуолатыттан кыттыбыт.
1941-43 сылларга 2 тыһыынчаттан тахса буойун Ржев анныгар сэриилэспит, үгүстэрэ сэрии хонуутугар охтубуттар. Кинилэри ытыгылаан Нам дэлэгээссийэтэ Филькино дэриэбинэ таһыгар турар сэрии мемориалыгар тиийэн сибэкки уурбуттар, ол кэминээҕи быһылааннары ахтыбытыттар. Мемориал ааптарынан Нам улууһун олохтооҕо Петухов Михаил Романович буолар. Мемориалга «В братстве народов — ваше бессмертие. Воинам-якутянам от благодарных земляков» диэн сурук баар.
Оскуола оҕолоро Тюмень куораттан сылдьар “Югра”, Пензаттан “Вертикаль”, Ржевтан “29 Армия көрдүүр-чинчийэр этэрээттэри кытта ыкса үлэлэспиттэрэ, Намҥа 2007 сыллаахха «Энсиэли» көрдүүр-чинчийэр этэрээт тэриллибитэ. 2008, 2010, 2013 – 2015,2017- 2019 сс көрдүүр-чинчийэр этэрээт үлэтин туһунан тэлэбидиэнньэҕэ биэриилэр тахсыбыттара.
Бу үлэ кэмигэр кыргыһыы хонууларыгар көстүбүт экспонаттары П.И. Сивцев аатынан оскуола этнографическай мусуойугар аҕалбыттара. 15 сыл устата сэрии кыттыылаахтарын ахтыылара, хаартыскалар, видеоҕа устуулар мунньуллубуттара. Аҕа дойду сэриитигэр Кыайыы 65 сылыгар Намҥа Привокзальная уулусса Ржевская диэн аатын уларыппыта.
2015 сыл алтынньы, сэтинньи ыйдарыгар оҕолор «Полярная звезда» көрдүүр-чинчийэр этэрээти кытта Москва, Ржев, Подольск куораттарга тиийэ сылдьыбыттара. Онно Ржевскай уобалас биэс оскуолатын кытта көрсүһүүлэр буолбуттара, ити оскуолалары кытта оҕолор күн бүгүн сибээс туталлар. Подольск, Москва куораттар архыыптарыгар докумуоннары кытта үлэ ыытыллыбыта, Ржев куорат аттыгар кыргыһыыларга охтубут саха буойуттарын ааттарын испииһэгэ оҥоһуллубута, Ржев таһынааҕы мемориалга үйэтитэргэ тиксэриллибитэ. Билигин мемориалга 1181 биир дойдулаахтарбыт ааттара үйэтититиллэн тураллар.
Оскуола бу үлэтин ситими быспакка салгыыр былааннаах.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…