Хаартыскаҕа Елена Потоцкая түһэриитэ
Бүгүҥҥүттэн Нам улууһугар ситэриилээх былаас отчуота саҕаланна.
Бырабыыталыстыба салайааччыларын биригээдэлэрэ икки бөлөҕүнэн улуус бары нэһилиэктэрин олохтоохторун кытта көрсүһэн эрэллэр. Иккис бөлөҕү СӨ сыана бэлиитикэтигэр судаарыстыбаннай кэмитиэтин бэрэссэдээтэлэ, Нам улууhун куратора Антонина Винокурова салайар. Соторутааҕыта аҕай Нам Партизаныгар улуус бастакы отчуота түмүктэннэ.
Олохтоохтор сүрүн туруорсар боппуруостара — оҕо уһуйаана уонна спортивнай саала курдук социальнай тыын эбийиэктэри тутуу. Маны таһынан, кэпсэтии үүт сыанатын үрдэтии, уматыкка сыана үрдээһинин, тиис бырааһа наадатын, от саҕана бааржаны үлэлэтии, трассаттан нэһилиэккэ киириигэ электричество уотун киллэрии тула буолла.
Партизан нэһилиэгэр биэрэпиһинэн 963 киһи олороро бэлиэтэммит. Онтон билигин олорор дьоно (фактически) 800-тэн тахса киһи. 165 миэстэлээх орто оскуолаҕа 148 оҕо үөрэнэр. 2015 сыллаахха «Үөрэҕирии» национальнай бырайыак чэрчитинэн саҥа таас оскуола тутуллан үлэҕэ киирбит. Баһылык этэринэн, сыл аайы оскуолаҕа 8-9 оҕо үөрэнэ киирэр эбит. Онон нэһилиэк — сарсыҥҥылаах.
Олохтоохтор «Нам» өрөспүүбүлүкэтээҕи трасса суола ааһарынан сибээстээн, нэһилиэккэ киириигэ электричество уотун туруорустулар. Отчуоту ыытар салайааччылар бу боппуруос сытыытык турарын учуоттаан, туһааннаах министиэристибэ хоруйун ылан кэлбиттэр. Бөлөх салайааччыта Антонина Винокурова тырааныспар министиэристибэтин хоруйун тиэртэ: «Суол нэһилиэгинэн ааспат. Дьон олорор сиринэн эрэ уоту тардабыт». Партизаннар элбэх оҕолоохторго, эдэр ыалларга анаан тутуллуохтаах «Мыымах» кыбаарталлара быйыл олоххо киирэрин кэтэһэллэр. Оччотугар трасса аттынан уот киириэҕэ. Нэһилиэк олохтооҕо Ульяна Зырянова «II Хомустаах бааржата эргэрэн, алдьанан хаалар буолан, оттуур сирбитигэр кыайан туораабаппыт. Итиннэ понтоннай муоста ууруллара буоллар…», — диэн санаатын тиэртэ. Бу уонна да атын суолталаах боппуруостары хонтуруолга ыллылар уонна боротокуолга киирэллэригэр мэктиэлээтилэр.
Отчуоту Партизан нэһилиэгин олохтоохторо «ситэриилээх былаас үлэтин биһириибит» диэн санааларын этэн түмүктээтилэр.
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…