Хаартыска Нам улууһун дьаһалтатыттан
Аныгы сыыппара үйэтигэр куйаар ситимин эйгэтэ туһалааҕын көрдөрдө диэн Нам улууһун дьаһалтатын саайтыгар суруллар.
Ол курдук, намнарга соторутааҕыта умнуллубат түгэн буолбут. Улуустааҕы дьаһалта пресс-сулууспата ону бу курдук сырдатар.
Ол курдук, Беларусь Өрөспүүбүлүкэтин Витебскэй уобалаһын Новополоцк куоратыгар саллаат тутта сылдьыбыт билээгэтэ (флягата) көһүннэ. Историяны үөрэтии түмүгүнэн, саллаат Нам улууһун Үөдэйиттэн төрүттээх Тимофей Прокопьевич Ядреев буолар. Кини уоттаах сэриигэ 1941 сыллаахха ыҥырыллан барбыт. «Хорсунун иһин», «1941-45 сс. Аҕа дойду Улуу сэриитигэр Германияны ылыы иһин» мэтээллэринэн наҕараадаламмыт.
Бу көстүбүт мал туһунан иһитиннэриини Новополоцк куорат 2 №-дээх оскуола Бойобуой албан аат түмэлин пуондатын кылаабынай харайааччыта Ксения Антонова Намнааҕы киин бибилэтиэкэ ТГ-ханаалыгар биллэрбит. Бибилэтиэкэттэн чопчулаабыттарынан, Нам улууһун бибилэтиэкэтин «Солдаты Победы: Славные сыны земли Намской» диэн электроннай ресурстарын көрөннөр онно ыыппыттар. Ол курдук, онно этиллибитинэн, биир үөрэнээччи убайын кытта балыктыы сылдьан булбуттар.
Олунньу 21 күнүгэр улуустааҕы киин модельнай бибилэтиэкэҕэ умнуллубат бэлиэ түгэн буолла. Үөрүүлээх тэрээһиҥҥэ Үөдэй нэһилиэгин салалтата, үөрэнээччилэрэ, Беларусь Өрөспүүбүлүкэтин Новополоцк куоратын орто оскуолатын учууталлара, үөрэнээччилэрэ кыттыыны ыллылар.
Үөрүүлээх быһыыга-майгыга Тимофей Ядреев туттубут флягатын төрөөбүт дойдутугар – Үөдэй нэһилиэгэр Ийэ албан аатын музейыгар туттардылар. Улуу Кыайыы эһиил үбүлүөйдээх 80 сылыгар сөп түбэһиннэрэ, олус үрдүк суолталаах түгэн буолбутун мустубут дьон бэлиэтээтилэр.
Ким да умнуллубат, туох да умнуллубат!
«Нам улууһа» МТ пресс-сулууспата
Хаартыска Нам улууһун дьаһалтатын саайтыттан
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…