Нам суолугар сүппүт эр киһини буллулар

Саха сирин Быыһыыр сулууспатын быыһааччылара Нам суолугар тыаҕа сүппүт аҕам саастааҕы буллулар. Бу туһунан Саха сиринээҕи Быыһыыр сулууспатын пресс-сулууспата иһитиннэрэр.

От ыйын 30 күнүгэр 59 саастаах эр киһи Нам суолугар тэллэйдии тахсан баран, 39-с уонна 40-с км икки ардыларынааҕы тыаҕа муммут.

Бүгүн, атырдьах ыйын 3 күнүгэр, сарсыарда 03:30 чааска Быыһыыр сулууспа быыһааччылара кинини тыаттан этэҥҥэ буллулар. Бу күннэр усталарыгар быыһааччылар уонна үтүө көмөһүттэр сүппүт киһини күнүһүн-түүнүн көрдөөбүттэрэ. Эмсэҕэлээбит киһини суһал көмө үлэһиттэригэр туттардылар.