Хаартыска: Нам улууһун дьаһалтатын телеграм-ханаалыттан.
Нам улууһун Таастаах нэһилиэгэр 90-с сылларга Чаакыйа үрэхтэн «Мас Анна» диэн сиргэ диэри 5,5 км уһуннаах ууну хачайдыыр турба ситимэ тардыллан, олохтоох үлэ ыытыллыбыта.
Бу сиргэ хоруу хаһыллан уу хачайданара, дириҥэтии үлэтэ ыытыллара. «Нам улууһа» МО пресс-сулууспата иһитиннэрбитинэн, сопхуос ыһыллан, ууну хачайдааһын үлэтэ өр сыл тохтоон турбута. Нэһилиэнньэ туруорсуутунан 2003 сыллаахха нэһилиэк баһылыга Михаил Куличкин салалтатынан үлэ сөргүтүллүбүтэ. Ол сылтан хорууга Чаакыйа үрэхтэн ууну хачайдааһын үлэтэ ыытыллар.
— Бу сыллар тухары 6 км кэриҥэ уһуннаах ууну хачайдыыр турба ситимэ эргэрдэ. Онон сыллата элбэх өрөмүөн үлэтэ эрэйиллэр. Быйыл үп-харчы боппуруоһугар ыарахаттары көрсөн, өрөмүөн үлэтэ хойутаан ыытылынна уонна ууну хачайдааһын атырдьах ый ортотуттан саҕаланна. Ууну хачайдааһын сир тоҥуор диэри салҕаныаҕа. Бу үлэни тыа хаһаайыстыбатын министиэристибэтин иһинэн үлэлиир «Сири мелиорациялааһын уонна тыа хаһаайыстыбатын уунан хааччыйыы управлениета» судаарыстыба бүддьүөтүн тэрилтэтэ сүрүннүүр, көрөн-истэн үлэлэтэр. Быйыл өрөмүөн сүрүн үлэтин олохтоох дьаһалта салалтатынан нэһилиэк олохтоохторо ыыттыллар. Таастаахха уу – тыын боппуруос. Күүс-көмө, өйөбүл буолбут улуус баһылыгар Юрий Слепцовка, баһылык солбуйааччытыгар Филипп Николаевка, Ил Түмэн дьокутаатыгар Александр Атласовка уонна тыа хаһаайыстыбатын управлениетын салайааччытыгар Владимир Макаровка Таастаах нэһилиэгин дьонун-сэргэтин, олохтоох дьаһалтатын аатыттан истиҥ махталбытын тиэрдэбит, — диэн Таастаах нэһилиэгин баһылыга Сергей Аргунов улуустааҕы дьаһалта телеграм-ханаалыгар сырдатта.
Сиһилии https://t.me/namskiyulus/61768?single сигэнэн билсиҥ.
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…