Хаартыскаҕа Лариса Тимофеева түһэриитэ
Нам улууһун сиригэр-уотугар бөрө элбээн, мэнээктээн, тыа хаһаайыстыбатыгар хоромньуну таһаарыан сөп буолан, улахан кутталы үөскэттэ.
Онуоха адьырҕа кыылы утары уопуттаах, удьуор кадровай булчуттар туруннулар. Бу туһунан улуус пресс-сулууспатыттан Лариса Тимофеева иһитиннэрдэ:
— Нам улууһугар улуус баһылыга Юрий Слепцов анал дьаһалынан хас биирдии бөрөһүккэ өлөрбүт ардай аһыылааҕар харчы төлөнөр.
Таастаах нэһилиэгин сиригэр-уотугар бөрө мэнээктээн, элбээн, тыа хаһаайыстыбатыгар суоһуурунан, уопуттаах, удьуор кадровай булчут Николай Казанов ааспыт сыл бүтүүтүттэн (ахсынньы 20 күнүттэн) сонордоһон, 9 бөрөнү сууһарда. Мин булчуту кытта Таастаахха тиийэн көрүстүм, хаартыскаҕа түһэрдим.
Уопсайа, улуус үрдүнэн сыл саҕаланыаҕыттан 12 адьырҕа кыыл бултанна: Николай Казанов (Таастаах) – 9 бөрө, эдэр булчут Василий Винокуров (Хамаҕатта) — 2 бөрө, Станислав Павлов (Ленскэй нэһилиэк) — 1 бөрө.
Ити курдук, Нам улууһун булчуттара бу күннэргэ бөрөнү анаан бултаһаллар.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…