Хаартыска sakha.gov.ru ылылынна
Нам улууһугар хонтуруоллуур-быыһыыр пуун баар буолуо.
Нам улууһугар Түбэҕэ Өлүөнэ уонна Алдан өрүстэр тиксиһиилэригэр, хонтуруоллуур-быыһыыр пуун баар буолуо. Онно туһааннаах сөбүлэһиигэ СӨ нэһилиэнньэ олоҕор куттал суох буолуутун хааччыйар кэмитиэт, СӨ Быыһыыр сулууспа, Нам улууһун уонна Түбэ нэһилиэгин дьаһалталара илии баттаатылар. Бу туһунан СИА иһитиннэрдэ.
Быһыыны-майгыны үөрэтэн, ырытан көрөн баран, Алдан уонна Өлүөнэ өрүс тиксиһиилэринэн олорор Нам, Кэбээйи, Уус Алдан улуустарын олохтоохторо ыксаллаах быһыыга-майгыга элбэхтик түбэһэллэр.
Ааспыт өрөбүллэргэ Түбэ нэһилиэгин баһылыга Константин Федоров күүстээх тыалтан дьону быыһааһыҥҥа кытынна. Быыһааччылар Дьокуускайтан онно тиийиэхтэригэр диэри, балачча бириэмэ барбыт.
Билигин, аны, маннык үлэнэн аттынааҕы пуунтан быыһааччылар дьарыктанар буолуохтара. Нэһилиэк сиригэр-уотугар кинилэргэ дьиэҕэ уонна гаражка анаан миэстэ биэриэхтэрэ. Пууну массыынанан уонна наадалаах тэриллэрдээх оҥочонон хааччыйыахтара.
«Биһиги өрөспүүбүлүкэбит олохтоохторугар куттал суоһаабатын хааччыйар соруктаах үлэлэһэбит. Билиҥҥи туругунан, Быыһыыр сулууспалар этэрээттэрэ өрөспүүбүлүкэ аҕыс оройуонугар бааллар. Былырыын саҥа этэрээттэр Чурапчы, Таатта, Дьааҥы улуустарыгар баар буолбуттара. Бүгүн Нам улууһугар поһу аһар туһунан сөбүлэһии түһэристибит», — диэтэ СӨ нэһилиэнньэ олоҕор куттал суох буолуутун хааччыйар кэмитиэти салайар Дмитрий Лепчиков.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…