Нам улууһа окко былаанын 104 бырыһыан толордо

Быйыл Нам улууһун отчуттара күн-дьыл туран биэрэн, сыл тахсар отторун булунар туһугар күүскэ үлэлээтилэр. Бүгүҥҥү туругунан  28 716 т оту кэбиһэн, былааннарын 104 бырыһыан аһары толордулар. Билигин даҕаны сорох отчуттар ходуһаттан тахсыбаттар.

— Быйыл сайын үчүгэйдик оттоотубут. Нэһилиэктэр үксүлэрэ кэриэтэ былааннарын сүүс бырыһыан толордулар. Онон көрдөрүү үчүгэй. Биэс мобильнай биригээдэбит эмиэ күүһэ кыайарынан үлэлээтэ. Билигин атын сирдэртэн от атыылаһыан баҕалаахтар биллэн эрэллэр. Оннук түгэҥҥэ хаһаайыстыбалары кытта сибээстиибит. Былырыыҥҥы саппаас оппут эмиэ баар, — диэтэ Нам улууһун тыа хаһаайыстыбатын управлениетын салайааччытын солбуйааччы Юрий Петров.