Нам улууһугар 588 дьиэни гааска холбоотулар
![](https://sakha-sire.ru/wp-content/uploads/2024/05/6e4b702aaa771b867d342d8c23c8e762c274b7cf-1060x596.jpeg)
Бырамысыланнас, геология министиэристибэтин уонна «Сахатранснефтегаз» үлэһиттэрэ Нам улууһугар халаантан эмсэҕэлээбит сэлиэнньэлэргэ гааһы холбуурга үлэлии сылдьаллар. Ол түмүгэр, 588 дьиэни гааска холбоотулар.
![](https://sakha-sire.ru/wp-content/uploads/2024/05/e1a199ba50f8f8f66995df4703fe57fd3a87ca43.jpeg)
Миниистири солбуйааччы Антон Андросов иһитиннэрбитинэн, билиҥҥитэ улуус дьиэлэрин барыларын кэриэтэ гааска холбоннулар.
— Онно гаас сулууспатын үлэһиттэрэ уонна 16 тиэхиньикэ үлэлээтилэр. Ыаллыы улуустартан уонна Дьокуускайтан кэллиэгэлэрбит кэлэн көмөлөстүлэр. Хаһаайыттара суох буолан, холбоммокко турар аҕыйах дьиэ хаалла, үлэ салҕанар, — диэн кини эттэ.
«Сахатранснефтегаз» хампаанньаҕа иһитиннэрбиттэринэн, Нам улууһугар Дьокуускайтан, Жатайтан, Хатастан, Горнайтан, Хаҥаластан, Кэбээйиттэн, Чурапчыттан, Мэҥэ Хаҥаластан гаас сулууспатын 84 үлэһитэ бары саба түһэн, үлэлээтилэр.
Ил Дархан, бырабыыталыстыба пресс-сулууспата.
Сообщить об опечатке
Текст, который будет отправлен нашим редакторам: