Нам улууһугар — «Аҕа күрэҕэ-2024»

Кулун тутар 28 күнүгэр Партизан нэһилиэгэр улуустааҕы «Аҕа күрэҕэ – 2024» буолан ааста.

Күрэхтэһиини «Нам улууһа” МТ дьиэ кэргэн уонна ыччат политикатыгар управлениета, улуустааҕы Аҕа сүбэтэ, “Партизан нэһилиэгэ“ МТ дьаһалтата уонна уопсастыбаннаһа тэрийэн ыыттылар.

Уопсайа 9 хамаанда – Ленскэй нэһилиэктэн Суздалов Иннокентий Иннокентьевич уола Дамирдыын, Хатыҥ Арыыттан Соловьев Аркадий Дмитриевич уола Оскардыын, Партизантан 2 хамаанда, Семенов Дмитрий Дмитриевич уола Артурдуун уонна Колесов Владимир Владимирович уола Родимирдыын, 1 Хомустаахтан Замаратскай Валерий Владимирович уола Алексейдыын, Никольскайтан Протопопов Захар Николаевич уола Оскардыын, Үөдэйтэн Иванов Иннокентий Михайлович уола Иннокентийдыын, Искраттан Ермолаев Григорий Афанасьевич уола Дьулусханныын, 2 Хомустаахтан Осипов Иван Владимирович уола Альбертыын тыҥааһыннаах күрэхтэһиигэ күүстэрин холоннулар.

Күрэх “Бэйэни билиһиннэрии”, “Остуолбаҕа ыттыы”, “Ойбону алларыы”, “Бэрэбинэни суоруу”, “Оттук мас бэлэмнээһинэ”, “Уот оттон чэй оргутуу”, “Бэрэбинэни эрбээһин” уонна быйыл саҥа киирбит “Булчут биатлона” түһүмэхтэртэн турда.

Түһүмэхтэринэн маннык түмүктэр таҕыстылар:

Бэрэбинэни суорууга:
1-кы м. — Никольскайтан Протопопов Захар Николаевич уола Оскардыын;
2-с м. — 2 Хомустаахтан Осипов Иван Владимирович уола Альбертыын;
3-с м. – Үөдэйтэн Иванов Иннокентий Михайлович уола Иннокентийдыын.

Бэрэбинэни эрбээһиҥҥэ:
1-кы м. — Никольскайтан Протопопов Захар Николаевич уола Оскардыын;
2-с м. — Партизантан Семенов Дмитрий Дмитриевич уола Артурдуун;
3-с м. — Хатыҥ Арыыттан Соловьев Аркадий Дмитриевич уола Оскардыын.

Оттук мас бэлэмнээһинигэр:
1-кы м. – 2 Хомустаахтан Осипов Иван Владимирович уола Альбертыын;
2-с м. — Партизантан Семенов Дмитрий Дмитриевич уола Артурдуун;
3-с м. — Ленскэй нэһилиэктэн Суздалов Иннокентий Иннокентьевич уола Дамирдыын.

Уот оттон чэй оргутуутугар:
1-кы м. — Партизантан Семенов Дмитрий Дмитриевич уола Артурдуун;
2-с м. — 1 Хомустаахтан Замаратскай Валерий Владимирович уола Алексейдыын;
3-с м. — Ленскэй нэһилиэктэн Суздалов Иннокентий Иннокентьевич уола Дамирдыын.

Ойбон алларыытыгар:
1-кы м. — 2 Хомустаахтан Осипов Иван Владимирович уола Альбертыын;
2-с миэстэ — Ленскэй нэһилиэктэн Суздалов Иннокентий Иннокентьевич уола Дамирдыын;
3-с м. — Партизантан Семенов Дмитрий Дмитриевич уола Артурдуун.

Булчут биатлонугар:
1-кы м. — Партизантан Семенов Дмитрий Дмитриевич уола Артурдуун;
2-с м. — 2 Хомустаахтан Осипов Иван Владимирович уола Альбертыын;
3-с м. — 1 Хомустаахтан Замаратскай Валерий Владимирович уола Алексейдыын.

Остуолбаҕа ыттыыга:
1-кы м. — Хатыҥ Арыыттан Соловьев Аркадий Дмитриевич уола Оскардыын;
2-с м. – Партизантан Колесов Владимир Владимирович уола Родимирдыын,
3-с м. — Партизантан Семенов Дмитрий Дмитриевич уола Артурдуун.

Уопсай түмүк:

1-кы м. — Партизантан Семенов Дмитрий Дмитриевич уола Артурдуун;
2-с м. – 2 Хомустаахтан Осипов Иван Владимирович уола Альбертыын;
3-с м. — Ленскэй нэһилиэктэн Суздалов Иннокентий Иннокентьевич уола Дамирдыын.

Күрэх сүрүн бирииһин – 50 000 солк. харчыны «Нам улууһа» МТ дьаһалтата, иккис миэстэҕэ Партизан нэһилиэгэ 25 тыһ. солк., оттон үһүс миэстэҕэ 15 тыһ. солк. «Нам улууһа» МТ дьаһалтата туруордулар.

Кыайыылаахтар, Партизантан Семенов Дмитрий Дмитриевич уола Артурдуун, муус устар 6 күнүгэр Мэҥэ Хаҥалас Майатыгар ыытыллар республикатааҕы Аҕа күрэҕэр улуус чиэһин көмүскүөхтэрэ.

Бэлиэтээн этэр буоллахха, Семеновтар былырыын эмиэ улуустааҕы түһүмэххэ кыайан, республикаҕа кыттыбыттара.

«Нам улууһа» МТ пресс-сулууспата