Хаартыска уонна видео -- Нам улууһун дьаһалтатын пресс-сулууспата.
Муус устар 10 күнүгэр «Нам улууһа» МТ салалтатын көҕүлээһининэн аан бастаан сонун сүүрээн — Архитектура күнэ ыытылынна.
Тэрээһиҥҥэ СӨ кылаабынай архитектора Любовь Папок уонна СӨ «LETO» куорат эйгэтин боппуруостарыгар Компетенция киинин салайааччыта Ирина Маркина салайар алта киһилээх бөлөҕө кыттыыны ылла. Бу суолталаах күнү «Нам улууһа» МТ кылаабынай архитектора Анна-Мария Степанова тэрийдэ.
Архитектура эйгэтин салайааччылара Хатырыкка уонна Аппааныга «Уһук Илиҥҥэ 1000 тиэргэн» федеральнай бырайыак сүүмэрдээһинин ааспыт, дьон-сэргэ сынньанарыгар, оҕолор оонньуулларыгар, успуордунан дьарыктаналларыгар анаан оҥоһуллан, билигин олоххо киирэн турар «Өрөспүүбүлүкэ» уонна «Мавра күөлэ» искибиэрдэри кытта билистилэр. Хатырыкка быйыл олунньуга үлэҕэ киирбит, 2,5 тыһ. кв.м иэннээх успуорт уонна култуура киинигэр, М.К. Аммосов аатынан СӨ Судаарыстыбаннаһын устуоруйатын түмэлигэр сырыттылар.
Нам улууһун сайдыытыгар туһуламмыт «төгүрүк остуолга» кылаабынай архитектор Анна-Мария Степанова дьон хаамарыгар, бэлисэпиэти тэбэригэр анаан ыллыктар, дьон дуоһуйа хатааһылыырыгар скейт-былаһааккалар, доруобуйаны чэбдигирдэргэ, успуордунан дьарыктанарга воркаут-зоналар, оҕо оонньуур, олохтоохтор сынньанар, атах тэпсэн олорон сэһэргэһэр былаһааккалара уонна искибиэрдэрэ тутуллар былааннарын билиһиннэрдэ.
Нам сэлиэнньэтигэр Кыайыы болуоссатын уларытан, тупсаран оҥоруу тула кэпсэтии барда. Маныаха оскуола оҕолоро болуоссаты хайдах көрөллөрүн бэйэлэрэ оҥорон көрдөрдүлэр, кэпсээтилэр.
1 Хомустаах, Ленскэй, Үөдэй, Хатыҥ Арыы нэһилиэктэр баһылыктара нэһилиэктэригэр саҥардан, уларытан, тупсаран оҥоруу үлэтин түмүгэр тутуллубут былаһааккалары, искибиэри билиһиннэрдилэр. Баһылыктар анал бырагырааманан быйыл нэһилиэктэригэр тупсаран оҥоруу, дьон-сэргэ дуоһуйа сынньанар искибиэрэ тутуутун үлэтэ саҕаланыахтааҕын хаартыскаларынан экраҥҥа көрдөрө туран кэпсээтилэр. Модут нэһилиэгин баһылыга Ефим Гоголев тэрээһин туһунан санаатын маннык үллэһиннэ:
Нэһилиэк баһылыктара үлэлэригэр элбэх сонун сүүрээни, туһалааҕы билбиттэрин этэн туран, тэрээһин тэрийээччилэригэр истиҥ махталларын тиэртилэр, салгыы бииргэ үлэлэһэр былааннаахтарын биллэрдилэр.
Киин куораттан кэлбит архитектордар улуус баһылыга Юрий Слепцов Нам улууһугар тутуу уонна тупсаран оҥоруу боппуруостарыгар улахан болҕомтону уурарын анаан бэлиэтээтилэр уонна улуус нэһилиэктэрэ сайдыы суолунан чиҥник хардыылаан, тупсарыыга олохтоохтук ылсыбыт тэтимнэрин аны да ыһыктыбаттарыгар сүбэлээтилэр.
Бу туһунан улуус дьаһалтатын пресс-сулууспата дьаһалта телеграм-ханаалыгар сырдатта.
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…