Нам улууһугар баһаартан сэрэтии үлэтэ күүһүрэр

Нам улууһугар Нам улууһунааҕы 23 №-дээх Баһаары утары судаарыстыбаннай сулууспа баһаартан куттал суох буолуутун сэрэтэр, күүһүрдэр үлэтин салгыы ыытар. Бу туһунан СӨ Судаарыстыбаннай баһаарынай сулууспата иһитиннэрэр.

Баһаартан сэрэтии үлэтин ыытар инструктордар баҕа өттүлэринэн баһаары умуруорар хамаандалары, дружиналары уонна сокуоннай сааһын туола илик оҕолор дьыалаларыгар, социальнай көмүскэл тэрилтэлэрин үлэһиттэрин кытта бииргэ кэлим былаан оҥорон үлэлииллэр.

Бу үлэ чэрчитинэн тэрилтэлэргэ, оскуолаларга уонна уһуйааннарга, нэһилиэнньэҕэ «АДПИ-ны туруор» уонна «Дьиэҕин көмүскээ» диэн тиэмэлэринэн лиэксийэлэри аахтылар. Ону тэҥэ «Куттала суох хараас» диэн сэрэтэр аахсыйаны ыытыллар. Бу аахсыйа харас кэпэрэтииптэригэр уонна чааһынай хараастарга уот турбатын сэрэтиигэ туһуланар.

Ону таһынан, Нам улууһун бары нэһилиэктэригэр эрдэ туруоруллубут буруо тахсыбытын, уот турбутун биллэрэр автономнай тэриллэр батарыайаларын бэрэбиэркэлээһин уонна уларытыы ыытыллар.