Хаартыска Нам улууһун дьаһалтатын пресс-сулууспатыттан
Бүгүн, сэтинньи 14 күнүгэр, Нам улууһун дьарыктаах буолуу киинигэр байыаннай дьайыы кыттыылаахтарыгар уонна кинилэр дьиэ кэргэттэригэр үлэ дьаарбаҥкатын тэрийэн ыытта.
Бу сылга үһүс төгүлүн ыытылынна диэн Нам улууһун дьаһалтатын пресс-сулууспата иһитиннэрдэ. Киин иниспиэктэрэ Сергей Абрамов иһитиннэрбитинэн, уопсайа байыаннай дьайыы 6 кыттыылааҕа учуокка турбутуттан, үһэ үлэ булан үлэлии сылдьаллар. Үс киһи дьарыктаах буолуу киинин нөҥүө анал үөрэҕи ылан үлэлээн эрэллэр. Ону таһынан икки байыаннай дьайыы кыттыылааҕын кэргэттэрэ учуокка турбуттарыттан, биирэ анал үөрэҕи ааһан үлэлии сылдьар, иккиһэ бэйэ дьыалатын арыммыт.
Билиҥҥи туругунан, учуокка биир байыас уонна дьиэ кэргэнин чилиэнэ тураллар. Дьарыктаах буолуу киинэ байыаннай дьайыы кыттыылаахтарыгар уонна кинилэр дьиэ кэргэттэригэр ураты болҕомтону уурар. Улуус тэрилтэлэринэн муҥурдаммакка, бырамыысыланнай тэрилтэлэри кытта ыкса сибээстэһэн, ханна баҕаралларынан үөрэххэ ыытан, байыас үлэҕэ киириэр диэри сүрүннүүллэр.
Дьаарбаҥкаҕа улуустааҕы социальнай харалта управлениета, Намнааҕы клиентскэй сулууспа, «Намкоммунтеплоэнерго» АО, «Якутлесресурс» Намнааҕы филиала, «Аҕа дойду көмүскээччилэрэ» пуонда Намнааҕы филиала, И.Е. Винокуров аатынан Намнааҕы педколледж, улуустааҕы киин балыыһа тэрилтэлэрэ кыттыыны ыллылар. Бу курдук, Намнааҕы дьарыктаах буолуу киинэ анал байыаннай дьайыы кыттыылаахтарын уонна кинилэр дьиэ кэргэттэрин үлэнэн хааччыйыыга, онно сөптөөх үөрэҕи баһылыылларыгар туһуланар үлэни салгыы ыытар
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…
Анемодист Софронов-Алампа төрөөбүт күнүгэр "Алампа'' бириэмийэни туттарыы сиэрэ-туома алтыс төгүлүн ыытылынна. Дьоро киэһэ Саха тыйаатырын…