Нам улууһугар балыксыттары быыһаатылар

Бүгүн, ахсынньы 7 күнүгэр сарсыарда 8 чааска Саха сиринээҕи Быыһыыр сулууспа Түбэтээҕи көрдүүр-быыһыыр этэрээтин нүөмэригэр иһитиннэрии киирбит.

Икки эр киһи сарсыарда эрдэ Дьокуускайтан балыктыы туруммуттар. Нам улууһун Түбэ сэлиэнньэтин ааспыттарын кэннэ массыыналара умуллан хаалбыт.

Ыҥырыы киирээтин кытта тиийбит Түбэтээҕи этэрээт быыһааччылара (старшай – Аркадий Федоров) Култуура учаастагыттан 5-6 км сиргэ балыксыттары булбуттар. Дьон иттээри номнуо балаакка туруоран тимир оһоҕу оттубуттар. Тоҥмут дьону эвакуациялаабыттар.