Хартыска0 ru.freepik.com
ИДьМ сулууспатын Нам улууһун отделыгар урбаанньыт дьахтар сайабылыанньа киллэрдэ. Кини түүҥҥү кэмҥэ маҕаһыыныгар биллибэт дьон киирэн, араас табаары, аһы-үөлү, тиэхиньикэни, ону тэҥэ 21 000 солк. харчы уорбуттарын туһунан тыллаата.
Быһылаан буолбут сиригэр полиция үлэһиттэрэ уоран киирии сибикитэ тахсыбытын чуолкайдатылар. Биллибэт дьон түннүгүнэн киирэн, эрэһиэккэни көтүрбүттэр уонна түннүк өстүөкүлэтин үлтү сынньыбыттар. Бу туһунан ИДьМ пресс-сулууспата суруйар.
Буруйу оҥоруу тахсыбыт сирин үөрэтэн баран, полициялар сокуоннай саастарын ситэ илик оҕолор буолалларын быһаарбыттар. Салгыы уорбаланааччы үс оҕону туппуттар. Маҕаһыынтан ордук чипсы, минньигэһэс ас-үөл уонна гаастаах утахтар уоруллубуттар. Ону таһынан уорбаланааччылар видеокамераны уонна көмпүүтэр блогун илдьэ барбыттар. Онон буруйдаахтары көрдүүргэ уустуктар тахсыбыттар эрээри, бу харгыстар үс сокуоннай сааһын ситэ илик оҕолор эппиэккэ тардыллыбаттарыгар көмөлөспөтөх, төттөрүтүн төннөрүллүбүт көмпүүтэр блогар кинилэри видеоҕа устуу оннунан хаалбыта булуллубут.
14 саастаах буруйдаахха Российскай Федерация Холуобунай Кодексатын 2 ч. 158 ст. холуобунай дьыала тэрилиннэ. Оттон 12 уонна 13 саастаах сокуоннай саастарын ситэ илик оҕолор дьыалаларын Сокуоннай саастарын ситэ илик оҕолор хамыыһыйатын иннигэр көрүөхтэрэ. Төрөппүттэр оҕолорун көрүүтэ-истиитэ суох сырытыннаран, эбээһинэстэрин толорботохторун иһин административнай эппиэтинэскэ тардыллыахтара.
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…