Нам улууһугар быһаҕынан куртахха анньыллыбыт эр киһи балыыһаламмыт

Ааспыт сууккаҕа Саха сиригэр икки буруйу оҥоруу тахсыбыта бэлиэтэммит. Бу туһунан дьуһуурунай борокуруор иһитиннэрдэ.

Түөкүттэр Саха сирин олохтооҕун харчытын уорбуттар. Бу сырыыга түөкүттэр угаайыларыгар киин куорат уһуйаанын иитээччитэ киирэн биэрбит уонна 125 тыһ. солк. харчытын сүтэрбит.

Нам улууһугар балыыһаҕа быһаҕынан куртахха анньыллыбыт 42 саастаах олохтоох эр киһини киллэрбиттэр.

Киһи өлүүлээх суол быһылаана бэлиэтэммэтэх. Ол эрээри итирик туруктаах 4 суоппар тутуллубут.

Ону кытта ЫБММ иһитиннэриитинэн, 4 баһаар тахсыбыта регистрацияламмыт. Ааспыт сууккаҕа Дьокуускайга гараас, Удачнайга гараас, Мииринэйгэ кафе уонна Мохсоҕолооххо гараас умайбыттар. Эмсэҕэлээбит дьон суох. Баһаары умуруорууга 30 баһаарынай уонна 7 тиэхиньикэ тардыллыбыт. Үс эбийиэк уонна алта массыына уоттан быһааммыт.