Нам улууһугар быыбар көхтөөхтүк саҕаланна

Бүгүн, балаҕан ыйын 14 күнүгэр, олохтоох бириэмэнэн сарсыарда 08:00 чаастан Нам улууһугар быыбардыыр учаастактар үөрүүлээхтик аһылыннылар.

Быыбардыыр учаастактарга кэтээччилэр үлэлииллэр, кинилэр куоластааһын хаамыытын уонна быыбар сокуонун тутуһууну хонтуруоллууллар. Быыбарга бэлитиичэскэй баартыйалар уонна бэйэлэрэ туруоруммут хандьыдааттар кытталлар.

Бөтүҥ, Маймаҕа уонна Көбөкөн олохтоохторо бэйэлэрин муниципальнай тэриллиилэрин баһылыктарын талаллар.

Ону таһынан 8-с №-дээх («Нэлэгэр») уонна 3-с №-дээх («Хамаҕатта») уокуруктарыгар Улуус сэбиэтин дьокутааттарын эбии быыбардара буолар.

Маймаҕа, Көбөкөн, Хатырык уонна Партизан нэһилиэктэригэр нэһилиэк Сэбиэтин дьокутааттарын быыбардара ыытыллар.