Нам улууһугар даамбаҕа субуотунньук буолла

Бу күннэргэ Нам улууһун олохтоохторо халаан алдьархайыгар өрүү кэриэтэ түбэһэр  буолан, хаһааҥҥытааҕар даҕаны бэлэмнээх олороллор.  

Улуус дьаһалтатын пресс-сулууспата иһитиннэрбитинэн, күн аайы араас субуотунньуктар ыытыллаллар. Ол курдук, бэҕэһээ, ыам ыйын 14 күнүгэр,  «5-с №-дээх АЗС  – Граф Биэрэгэ – Кыһыл Дэриэбинэ» даамбаҕа икки бөлөххө арахсан, үлэһиттэр кумах кууллаатылар.

Субуотунньукка улуус дьаһалтатын уонна үөрэх тэрилтэлэрин үлэһиттэрэ көхтөөхтүк кытыннылар.

Уу эбийиэктэригэр буруйу оҥорууну уонна быһылааны тахсыытын сэрэтэр, туоратар сыалтан, барыбыттан болҕомтолоох буолуу ирдэнэр. Уу эбийиэктэригэр куттал суох буолуута – биһиги барыбыт уопсай эппиэтинэспит. Бэйэбит уонна чугас дьоммут олохторун, доруобуйаларын харыстыыр туһугар, бары ирдэбиллэри тутуһан, сэрэхтээх буолуоҕуҥ! Этэҥҥэ сылдьыҥ!