Нам улууһугар эр киһи сүттэ

Бэҕэһээ, балаҕан ыйын 1 күнүгэр, Нам улууһугар 22:21 чааска 1944 с.т. эр киһи сүппүтүн туһунан иһитиннэрии киирбит. Бу туһунан СӨ Быыһыыр сулууспата суруйар.

Иһитиннэрбиттэринэн, аҕам саастаах киһи Кириэс Кытыл нэһилиэгэр баар дьиэтиттэн сарсыарда тахсан барбыт. Быһа холоон маҕаһыыҥҥа барбыт уонна кэлбэтэх. Кини истибэтинэн 3-с группалаах инбэлиит эбит, суотабай төлөпүөнэ суох.

Нэһилиэк олохтоохторо бэҕэһээ бэйэлэрэ көрдөөбүттэр даҕаны булбатахтар. Бүгүн Намнааҕы хонтуруоллуур-быыһыыр пуун икки быыһааччыта көрдүү барбыт.