Хаартыска -- Нам улууһун дьаһалтатын пресс-сулууспата.
Бу күннэргэ «Саха сирин выпускниктара” өрөспүүбүлүкэтээҕи уопсастыбаннай тэрилтэ бэрэссэдээтэлэ Альберт Соров салайааччылаах бөлөх Нам улууһугар суолталаах боппуруостары быһаарсан барда.
Оробуочай бөлөх Нам улууһун баһылыгын солбуйааччы Юрий Дьяконовы, оройуон дьокутааттарын Сэбиэтин бэрэссэдээтэлэ Алексей Винокуровы кытта выпусниктар бэстибээллэрин ыытыы боппуруоһун ырытта. Мунньахха улуустааҕы успуорт уонна физическэй култуура управлениетын салайааччыта Павел Иванов кыттыыны ылла.
Нам улууһун дьокутааттарын Сэбиэтин бэрэссэдээтэлэ Алексей Винокуров тэрээһин мунньах туһунан маннык билиһиннэрдэ:
— Бу бэстибээл улуус таһымыгар аан бастаан ыытыллар. Нам улууһа киин куораттан чугас буолан, маннык улахан тэрээһини ыытарга табыгастаах. 1979-1994 сылларга өрөспүүбүлүкэ оскуолаларын бүтэрбит дьон (1 тыһыынча киһи кэлэрэ сабаҕаланар) култуура уонна успуорт бэстибээлин тэрийиэхтэрэ. Бу күннэргэ суолталаах тэрээһин ыытыллыахтаах сирин быһаарса сылдьабыт. Намҥа бэйэтигэп ыһыахтыыр түһүлгэҕэ ыытыахпытын, сирэ-уота киэҥэ бэрт. Онон биир эмэ чөкө нэһилиэги таларбыт буолуо. Ардах түһэр кэмигэр спортивнай саалалардаахпыт, култуура дыбарыастаахпыт. Былаан быһыытынан айылҕаҕа ыытыахпытын баҕарабыт. Быһа холуйан, бэстибээли атырдьах ыйыгар ыытарга былааннытыбыт.
Онон быйыл Нам сирэ өрөспүүбүлүкэ улуустарыттан уонна куораттарыттан араас көлүөнэ выпускниктары түмүөҕэ.
Бүгүн, ыам ыйын 21 күнүгэр, өрөспүүбүлүкэ арҕаа, соҕуруулуу-арҕаа, соҕуруу улуустарыгар сөҥүүлээх, сөкүүндэҕэ 15-20 миэтэрэ түргэннээх…
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…