Нам улууһугар харбалаахтар көмө оҥордулар

Сааскы халаантан улаханнык эмсэҕэлээбит Нам улууһугар көмө оҥоруу улуустарынан, нэһилиэктэринэн уонна биирдиилээн тэрилтэлэринэн салҕанар. 

Үөһээ Бүлүү улууһун Харбалаах нэһилиэгин баһылыга Константин Данилович Платонов салалтатынан нэһилиэк ыччата уонна көхтөөх дьоно халаан уутуттан улаханнык эмсэҕэлээбит Хатырык нэһилиэгэр икки күн устата күүстээх көмөнү онордулар.

Харбалаах нэһилиэгин дьаһалтата элбэх оҕолоох Кутуковтар, улаханнык ууга барбыт Обутовтар, Сухановтар дьиэ кэргэттэригэр, Александра Слепцова бааһынай хаһаайыстыбатыгар чөлүгэр түһэрии үлэлэргэ көмөлөстүлэр.

«Улуу убайдарбыт Исидор Барахов уонна Максим Аммосов доҕордоһуулара өрүү ыарахан түгэҥҥэ бэйэ-бэйэни өйөһүүлээх буоллун. Улахан махтал, Харбалаах нэһилиэгин дьонугар-сэргэтигэр!», — «Хатырык нэһилиэгэ» МТ дьаһалтатын пресс-сулууспата иһитиннэрэр.