Нам улууһугар икки эр киһи сураҕа суох сүппүт

Атырдьах ыйын 2 күнүгэр киэһэ 23:11 чааска Нам улууһун ЕДДС сулууспатыгар 9:00 чаас саҕана Тумара үрэххэ икки эр киһи сүппүтүн туһунан иһитиннэрии киирбит.

Бу туһунан Саха сиринээҕи Быыһыыр сулууспатын пресс-сулууспата иһитиннэрэр. Тыллаабыт дьон быһаарыыларынан, 8 киһи айылҕаҕa тахсан, лааҕыр тэриммиттэр. Кинилэртэн иккитэ сарсыарда эрдэ бэнсиин саппааһа, ас, сибээс тэрилэ суох тыынан үрэх устун үөһэ тахсан, сүтэн хаалбыттар.

Доҕотторо 12 чаас устата икки тыынан бэйэлэрин күүстэринэн көрдөөбүттэр да, булбатахтар. Ол сиргэ сибээс суох. Билигин информацияны хомуйуу үлэтэ бара турар.