Нам улууһугар икки киһи өлүүлээх суол быһылаана таҕыста

Госавтоиниспиэксийэ иһитиннэрбитинэн, от ыйын 21 күнэ үүнэр түүнүгэр  01 чаас 47 мүн. Нам улууһунааҕы дьуһуурнай чааска суһал көмө диспиэччэриттэн  «Нам» суол   85 км суол быһылаана тахсыбытын туһунан суһал иһитиннэрии киирбит.

Барыллааһын быһыытынан, 2004 с.т.   эр киһи  Нам сэлиэнньэтиттэн Аппааны диэки «REGULMOTO» матасыыкылы ыытан иһэн, уруулун кыайан туппакка,  суолтан тахсан, остуолбаҕа кэлэн түспүт.

Суол быһылаанын түмүгэр   матасыыкылы ыытан испит 2004 с.т. эр киһи уонна  2008 с.т. пассажир ыарахан эчэйиини ылан өлбүттэр.

Билигин тахсыбыт саахалынан бэрэбиэркэ ыытыллар.