Нам улууһугар оҕо түүҥҥү сырыытын хонтуруолга туталлар

Бэҕэһээ, от ыйын 24 күнүгэр, Нам улууһунааҕы ис дьыала отделын уонна Ленскэй нэһилиэгин дьаһалтатын үлэһиттэрэ оҕо түүҥҥү сырыытын хонтуруоллуур рейдэҕэ сырыттылар.  Бу туһунан Нам улууһун дьаһалтатын пресс-сулууспата иһитиннэрэр.

Рейдэ түмүгүнэн 10 сокуоннай сааһын ситэ илик оҕоҕо суругунан сэрэтии туттарыллыбыт, кинилэр төрөппүттэригэр эмиэ сэрэтии бэриллибит.

Онон Нам улууһунааҕы ис дьыала отдела СӨ 2010 сыл муус устар 14 күнүнээҕи  № 822-3 «О мерах по предупреждению причинения вреда здоровью детей, их физическому, интеллектуальному, психическому, духовному и нравственному развитию» сокуонунан төрөппүттэр эбэтэр оҕолор сокуоннай бэрэстэбиитэллэрэ түүҥҥү кэмҥэ  сокуоннай сааһын ситэ илик оҕону бэйэтин эрэ уопсастыбаннай сиргэ ыытыа суохтаахтарын сэрэттилэр.

Маннык түбэлтэ тахсар түгэнигэр,  РФ 5.35 КоАП 1 ыстатыйатынан төрөппүт эбэтэр сокуоннай бэрэстэбиитэл административнай эппиэтинэскэ тардыллыа диэн сэрэтэллэр.